వెలుగు బిజినెస్ డెస్క్: స్టార్టప్ల కోసం కొత్తగా క్రెడిట్ గ్యారంటీ స్కీమ్ను కేంద్ర ప్రభుత్వం ప్రకటించింది. క్రెడిట్ గ్యారంటీ స్కీమ్ ఫర్ స్టార్టప్స్ (సీజీఎస్ఎస్) పేరుతో ఈ స్కీమును తెచ్చారు. కోలేటరల్ సెక్యూరిటీ అవసరం లేకుండా స్టార్టప్లకు అప్పులు దొరికేలా చూసే ఉద్దేశంతో ఈ స్కీమును తెస్తున్నారు. డిపార్ట్మెంట్ ఫర్ ప్రమోషన్ ఆఫ్ ఇండస్ట్రీ అండ్ ఇంటర్నల్ ట్రేడ్ (డీపీఐఐటీ ) ఈ స్కీమును నోటిఫై చేసింది. అక్టోబర్ 6 లేదా ఆ తర్వాత బారోవర్లకు శాంక్షనయ్యే అప్పులకు ఈ స్కీము వర్తిస్తుందని డీపీఐఐటీ వెల్లడించింది.
లిక్విడిటీ ఇబ్బందులు తొలగించేందుకు..
స్టార్టప్లుగా గుర్తించిన వాటికి మెంబర్ ఇన్స్టిట్యూషన్లు రుణాల రూపంలో ఫైనాన్స్ అందించేలా క్రెడిట్ గ్యారంటీ స్కీమ్ ఫర్ స్టార్టప్స్ను ప్రభుత్వం ఆమోదించినట్లు డీపీఐఐటీ పేర్కొంది. డబ్బు దొరక్క సతమతమయ్యే స్టార్టప్లకు కోలేటరల్ సెక్యూరిటీ లేకుండానే అప్పులు ఈజీగా దొరికేలా ఈ స్కీము పనిచేస్తుందని వివరించింది. స్టార్టప్లకు అప్పులిచ్చే మెంబర్ ఇన్స్టిట్యూషన్లకు క్రెడిట్ గ్యారంటీని ప్రభుత్వం ఇస్తుంది. అర్హత ఉన్న స్టార్టప్లను డీపీఐఐటీ గెజిట్ నోటిఫికేషన్ ద్వారా డిఫైన్ చేస్తుంది. ఇండివిడ్యువల్ స్టార్టప్లకు రూ. 10 కోట్ల దాకా (మాగ్జిమమ్) అప్పులు తీసుకునే వీలు దీంతో కలగనుంది. రెండు రకాలుగా ఈ సీజీఎస్ఎస్ స్కీమును అమలు చేయనున్నారు. ట్రాన్సాక్షన్ బేస్డ్, అంబ్రెల్లా బేస్డ్ పద్ధతులలో స్టార్టప్లకు సాయం చేయనున్నారు. ట్రాన్సాక్షన్ బేస్డ్ గ్యారంటీ కవర్ ద్వారా బ్యాంకులు, ఎన్బీఎఫ్సీలు స్టార్టప్లకు నిధులు సమకూర్చేలా చర్యలు తీసుకుంటారు. రూ. 3 కోట్ల దాకా అప్పులు తీసుకున్న స్టార్టప్ తిరిగి చెల్లించడంలో ఫెయిలైతే అందులో 80 శాతం మొత్తాన్ని సీజీఎస్ఎస్ స్కీము కింద చెల్లిస్తారు. ఒక వేళ అప్పు రూ. 3 కోట్లకు మించి రూ. 5 కోట్ల లోపు ఉన్నట్లయితే అందులో 75 శాతానికి స్కీమును వర్తింప చేస్తారు. అప్పు మొత్తం రూ. 10 కోట్లకు మించితే అందులో 65 శాతాన్ని సీజీఎస్ఎస్ స్కీమ్ కింద ప్రభుత్వం బ్యాంకులు, ఎన్బీఎఫ్సీలకు తిరిగి చెల్లించనున్నట్లు మినిస్ట్రీ వెల్లడించింది.
అంబ్రెల్లా బేస్డ్ గ్యారంటీ కవర్...
ఆల్టర్నేటివ్ ఇన్వెస్ట్మెంట్ ఫండ్స్ (ఏఐఎఫ్)గా సెబీ గుర్తింపు పొందిన వెంచర్ డెట్ ఫండ్స్ (వీడీఎఫ్)లకు దీని కింద గ్యారంటీ కవర్ కల్పిస్తారు. వాస్తవ నష్టాలు ఎంతుంటే అంత లేదా పూల్డ్ ఇన్వెస్ట్మెంట్లో 5 శాతం దాకా ఈ అంబ్రెల్లా కవర్ అందుబాటులో ఉంటుంది. ఒక్కో బారావర్పై రూ. 10 కోట్ల పరిమితి ఉంటుంది. కొత్త స్కీము అమలు కోసం డీపీఐఐటీ ఒక మేనేజ్మంట్ కమిటీని ఏర్పాటు చేయనుంది. నేషనల్ క్రెడిట్ గ్యారంటీ ట్రస్టీ కంపెనీ లిమిటెడ్ (ఎన్సీజీటీసీ) ఈ స్కీమును ఆపరేట్ చేస్తుంది. దేశంలోని స్టార్టప్లకు దేశీయంగానే నిధులు దొరికేలా చేయాలనేదే స్కీము టార్గెట్. స్టార్టప్ ఇండియా ఇనీషియేటివ్ కింద అమలవుతున్న ఫండ్ ఆఫ్ ఫండ్స్ఫర్ స్టార్టప్స్, స్టార్టప్ ఇండియా సీడ్ ఫండ్ స్కీములకు ఈ కొత్త స్కీము తోడవుతుందని మినిస్ట్రీ పేర్కొంది.
