ఇంటర్​తో సెంట్రల్​ జాబ్​

ఇంటర్​తో సెంట్రల్​ కొలువులో స్థిరపడేందుకు సీహెచ్​ఎల్​  మంచి అవకాశం.  కేంద్ర ప్రభుత్వ విభాగాలు, మంత్రిత్వ శాఖల్లో 4500 లోయర్ డివిజన్ క్లర్క్(ఎల్‍డీసీ), జూనియర్ సెక్రటేరియట్ అసిస్టెంట్ (జేఎస్ఏ) పోస్టల్‍/సార్టింగ్ అసిస్టెంట్‍, డేటా ఎంట్రీ ఆపరేటర్ (డీఈవో)  పోస్టుల భర్తీకి ఏటా నిర్వహించే కంబైన్డ్ హయ్యర్ సెకండరీ లెవెల్ (సీహెచ్ఎస్ఎల్) ఎగ్జామినేషన్ నోటిఫికేషన్‌‌‌‌ను స్టాఫ్ సెలెక్షన్ కమిషన్ విడుదల చేసింది.  సీహెచ్ఎస్ఎల్ నోటిఫికేషన్ వివరాలతో పాటు ఎగ్జామ్ ప్యాటర్న్, సెలెక్షన్ ప్రాసెస్, సిలబస్, టిప్స్ తెలుసుకుందాం..

సీజీఎల్ తర్వాత అతి ఎక్కువ మంది రాసే పరీక్ష సీహెచ్‍ఎస్‍ఎల్‍. ఈ పోస్టులకు దేశవ్యాప్తంగా దాదాపు 15 లక్షల మంది పోటీ పడతారు. సిలబస్ కూడా విస్తృతంగా ఉంటుంది. ప్లాన్డ్‌‌‌‌గా ప్రిపేరయితే ఇంటర్‌‌‌‌తోనే కేంద్ర ప్రభుత్వంలో సుస్థిర జాబ్‌‌‌‌లో ఎంటరయ్యే అవకాశం కల్పిస్తోంది సీహెచ్‌‌‌‌ఎస్‌‌‌‌ఎల్. పే లెవెల్-2, 4 కింద వేతనాలు అందిస్తారు. ప్రారంభంలో ఎల్‌‌‌‌డీసీ, జేఎస్ఏ కి అన్ని అలవెన్సులు కలుపుకొని దాదాపు 30 వేల సాలరీ లభిస్తుంది. పోస్టల్ అసిస్టెంట్, డేటా ఎంట్రీ ఆపరేటర్ కి 35 వేలకు పైగా వేతనాలు అందుతాయి. 

పోస్టులు: 

1)    లోయ‌‌‌‌ర్ డివిజ‌‌‌‌న్ క్లర్క్ (ఎల్‌‌‌‌డీసీ)/ జూనియ‌‌‌‌ర్ సెక్రటేరియ‌‌‌‌ట్ అసిస్టెంట్  
2)    పోస్టల్ అసిస్టెంట్‌‌‌‌/ సార్టింగ్ అసిస్టెంట్ 
3)    డేటా ఎంట్రీ ఆప‌‌‌‌రేట‌‌‌‌ర్‌‌‌‌‌‌‌‌.

సెలెక్షన్ ప్రాసెస్: టైర్‌‌‌‌-1, టైర్‌‌‌‌-2 పరీక్షలు నిర్వహిస్తారు. ఈ రెండు దశల్లోని మార్కుల ఆధారంగా ఎంపికైన అభ్యర్థులకు వారు దరఖాస్తు చేసుకున్న పోస్టును బట్టి మూడో దశలో కంప్యూటర్‌‌‌‌ టెస్ట్‌‌‌‌ లేదా టైపింగ్‌‌‌‌ టెస్ట్‌‌‌‌ నిర్వహిస్తారు. ఇది కేవలం అర్హత పరీక్ష.  టైర్​1లో మల్టిపుల్ చాయిస్ విధానంలో 200 మార్కులకు ఆన్‌‌‌‌లైన్ టెస్ట్ నిర్వహిస్తారు. మొత్తం 100 ప్రశ్నలుంటాయి. డ్యురేషన్ 60 నిమిషాలు. ప్రతి రాంగ్ ఆన్సర్‌‌‌‌కి 0.50 మార్కు నెగెటివ్ అవుతుంది. టైర్- I లో మెరిట్ సాధించిన వారిని టైర్-II లో నిర్వహించే డిస్ర్కిప్టివ్ టెస్ట్‌‌‌‌కు సెలెక్ట్ చేస్తారు.

డిస్క్రిప్టివ్ పేపర్

పెన్ అండ్ పేపర్ విధానంలో 100 మార్కులకు వ్యాసరూప సమాధాన ప్రశ్నలతో పరీక్ష నిర్వహిస్తారు. టెస్ట్ డ్యురేషన్ 60 నిమిషాలు. ఇందులో 200 నుంచి 250 పదాలతో ఎస్సే రైటింగ్, 150 నుంచి 200 పదాలతో లెటర్ రైటింగ్ రాయాలి. ఈ ప్రశ్నలకు పూర్తిగా ఇంగ్లిష్/హిందీలోనే సమాధానం రాయాల్సి ఉంటుంది. ఎస్సే రైటింగ్‌‌‌‌లో టైటిల్, ఇంట్రడక్షన్, మెసేజ్ ఆఫ్ ద ఎస్సే, కన్‌‌‌‌క్లూజన్ వంటి అంశాలు ఆర్డర్‌‌‌‌లో రాయాలి. లెటర్ రైటింగ్‌‌‌‌లో అడ్రస్, డేట్, డెస్టినేషన్ నేమ్ అండ్ అడ్రస్, రెఫరెన్స్, శాల్యుటేషన్, సబ్జెక్టు, బాడీ, ఎండింగ్, సిగ్నేచర్, పేరు తదితర అంశాల ఆధారంగా మార్కులిస్తారు. 

స్కిల్ టెస్ట్

కాగ్ కార్యాలయాల్లో తప్ప అన్ని ఆఫీసుల్లో డేటా ఎంట్రీ ఆపరేటర్ కు స్కిల్ టెస్ట్ నిర్వహిస్తారు. ఇది క్వాలిఫైయింగ్ టెస్ట్ మాత్రమే. 

సిలబస్: 

ఇంగ్లిష్ లాంగ్వేజ్: స్పాట్ ద ఎర్రర్, ఫిల్ ఇన్ ద బ్లాంక్స్, సినానిమ్స్, హోమోనిమ్స్, ఆంటోనిమ్స్, స్పెల్లింగ్స్/మిస్‌‌‌‌స్పెల్ట్ వర్డ్స్, ఇడియమ్స్, ఫ్రేజస్, వన్ వర్డ్ సబ్‌‌‌‌స్టిట్యూట్స్, సెంటెన్స్ ఇంప్రూవ్‌‌‌‌మెంట్, యాక్టివ్ అండ్ పాసివ్ వాయిస్, డైరెక్ట్ అండ్ ఇండైరెక్ట్ స్పీచెస్, సెంటెన్స్ అరేంజ్‌‌‌‌మెంట్, క్లోజ్ ప్యాసేజ్, కాంప్రహెన్సన్ ప్యాసేజ్ నుంచి ప్రశ్నలిస్తారు.

జనరల్ ఇంటెలిజెన్స్: ఇందులో వర్బల్ అండ్ నాన్ వర్బల్ సెక్షన్ల నుంచి క్వశ్చన్స్ అడుగుతారు. ముఖ్యమైన టాపిక్స్  కోడింగ్ అండ్ డీకోడింగ్, సెమాంటిక్ అనాలజీ, సింబాలిక్ ఆపరేషన్స్, సింబాలిక్ అండ్ నంబర్ అనాలజీ, ట్రెండ్స్, ఫిగరల్ అనాలజీ అండ్ క్లాసిఫికేషన్, స్పేస్ ఓరియంటేషన్, సెమాంటిక్ క్లాసిఫికేషన్, వెన్ డయాగ్రమ్స్, సింబాలిక్ అండ్ నంబర్ క్లాసిఫికేషన్, సెమాంటిక్ సిరీస్, ఫిగరల్ ప్యాటర్న్ ఫోల్డింగ్ అండ్ కంప్లీషన్, నంబర్ సిరీస్, ఎంబెడెడ్ ఫిగర్స్, ఫిగరల్ సిరీస్, క్రిటికల్ థింకింగ్, ప్రాబ్లం సాల్వింగ్, ఎమోషనల్ ఇంటెలిజెన్స్, వర్డ్ బిల్డింగ్, సోషల్ ఇంటెలిజెన్స్,  న్యూమరికల్ ఆపరేషన్స్, ఇతర సబ్ టాపిక్స్ నుంచి ప్రశ్నలు ఎక్స్‌‌‌‌పెక్ట్ చేయవచ్చు. రీజనింగ్‌‌‌‌లో లాజిక్‌‌‌‌గా ఆలోచించి సమాధానాలు రాసే ప్రశ్నలే అధికంగా ఉంటాయి.

క్వాంటిటేటివ్ ఆప్టిట్యూడ్: నంబర్ సిస్టమ్స్‌‌‌‌లో హోల్ నంబర్స్, డెసిమల్, ఫ్రాక్షన్స్, రిలేషన్‌‌‌‌షిప్ బిట్వీన్ నంబర్స్ అనే అంశాలున్నాయి. ఫండమెంటల్ అర్థమెటిక్ ఆపరేషన్స్‌‌‌‌లో శాతాలు, రేషియో, ప్రపోర్షన్, స్క్వేర్ రూట్స్, సింపుల్ అండ్ కాంపౌండ్ ఇంట్రెస్ట్, లాభనష్టాలు, డిస్కౌంట్స్, భాగస్వామ్యం, మిక్సర్ అండ్ అలిగేషన్, టైమ్ అండ్ డిస్టెన్స్, టైమ్ అండ్ వర్క్ అనే సబ్ టాపిక్స్ ఉన్నాయి. వీటితో పాటు ఆల్జీబ్రా, జామెట్రీ, మెన్సురేషన్, ట్రిగనామెట్రీ, స్టాటిస్టికల్ చార్ట్స్ నుంచి క్వశ్చన్స్ అడుగుతారు. 
జనరల్ అవేర్‌‌‌‌నెస్: మనకు రోజూ ఎదురయ్యే సంఘటనల్లోని ప్రాధాన్యత కలిగిన అంశాల నుంచే ప్రశ్నలిస్తారు. అలాగే కరెంట్ అఫైర్స్, పొరుగుదేశాలతో భారత సత్సంబంధాలు, వివాదాలపై క్వశ్చన్స్ అడిగే అవకాశం ఉంది. వీటితో పాటు హిస్టరీ, కల్చర్, జియోగ్రఫీ, ఎకనామిక్స్, జనరల్ పాలసీ ఆన్ సైంటిఫిక్ రీసెర్చ్, కంప్యూటర్​ బేసిక్స్​ నుంచి ప్రశ్నలిస్తారు. – వెలుగు ఎడ్యుకేషన్​ డెస్క్​

నోటిఫికేషన్​ 

అర్హత: ఇంటర్‌‌‌‌ లేదా తత్సమాన కోర్సు ఉత్తీర్ణత. ఓపెన్‌‌‌‌ స్కూల్‌‌‌‌ ద్వారా చదివినవారూ దరఖాస్తు చేసుకోవచ్చు. కంప్ట్రోలర్‌‌‌‌ అండ్‌‌‌‌ ఆడిటర్‌‌‌‌ జనరల్‌‌‌‌ ఆఫ్‌‌‌‌ ఇండియాలో డేటా ఎంట్రీ పోస్టులకు మాత్రం ఇంటర్‌‌‌‌లో సైన్స్‌‌‌‌ గ్రూప్‌‌‌‌తో మ్యాథ్స్‌‌‌‌ ఒక సబ్జెక్టుగా చదవడం తప్పనిసరి. వయసు 18- నుంచి 27 ఏళ్ల మధ్య ఉండాలి. ఎస్సీ, ఎస్టీలకు అయిదేళ్లు; ఓబీసీలకు మూడేళ్లు, దివ్యాంగులకు పదేళ్లు గరిష్ట వయసులో సడలింపులు వర్తిస్తాయి. 

దరఖాస్తులు: అర్హులైన అభ్యర్థులు ఆన్​లైన్​లో జనవరి 4 వరకు దరఖాస్తు చేసుకోవాలి. జనరల్​ క్యాండిడేట్స్​కు అప్లికేషన్​ ఫీజు రూ. 100 ఉంటుంది. తెలంగాణలో హైదరాబాద్​, వరంగల్​, కరీంనగర్​ లో ఎగ్జామ్ సెంటర్స్​ ఉంటాయి. 
పరీక్షలు: టైర్‌‌‌‌-1 ఎగ్జామ్స్​ ఫిబ్రవరి, మార్చిలో నిర్వహిస్తారు.   టైర్‌‌‌‌-2 డిస్క్రిప్టివ్‌‌‌‌ పరీక్ష వివరాలు తర్వాత ప్రకటిస్తారు. పూర్తి వివరాలకు  www.ssc.nic.in వెబ్​సైట్​లో సంప్రదించాలి. 

ఎగ్జామ్​ టిప్స్

షిఫ్టుల వారీగా నిర్వహించే పరీక్ష కాబట్టి అభ్యర్థులు ముందు రోజు రాసిన వారికి క్వశ్చన్స్ ఎలా అడిగారో తెలుసుకొని దాని ప్రకారం సిద్ధమైతే మంచి స్కోర్ పొందొచ్చు. ఎందుకంటే అన్ని షిప్టుల పేపర్లు బ్యాలెన్స్‌‌‌‌డ్‌‌‌‌గా, ఈక్వల్ ప్యాటర్న్, స్టాండార్డ్స్‌‌‌‌తో తయారు చేస్తారు కాబట్టి ముందు షిఫ్టుల్లో అడిగిన ప్రశ్నలకు రిలేటెడ్ ఏరియాస్ ను బాగా రివిజన్ చేయాలి. ప్రశ్నలన్నీ ఇంటర్ స్టాండార్డ్‌‌‌‌లో నేరుగానే ఇస్తారు.