భారత స్పేస్ రీసెర్చ్ డెవలప్మెంట్లో భాగంగా ఆంధ్రప్రదేశ్ రాష్ట్రం శ్రీహరికోటలోని సతీష్ ధావన్ స్పేస్ సెంటర్లో రూ.3,985 కోట్లతో మూడో లాంచ్ ప్యాడ్ ఏర్పాటుకు కేంద్ర మంత్రి వర్గం ఆమోదం తెలిపింది. ప్రస్తుతం శ్రీహరికోటలో రెండు లాంచ్ ప్యాడ్లు అందుబాటులో ఉన్నాయి. వీటికి బ్యాకప్గా మూడో లాంచ్ ప్యాడ్ను ఉపయోగించనున్నారు. ఈ లాంచ్ ప్యాడ్ న్యూ/ నెక్స్ట్ జనరేషన్ లాంచ్ వెహికిల్(ఎన్జీఎల్వీ) ప్రోగ్రామ్ సహా ఇస్రో భవిష్యత్తు మిషన్లకు సహాయపడనున్నది.
కేవలం నెక్స్ట్ జనరేషన్ లాంచ్ వెహికిల్(ఎన్జీఎల్వీ) మాత్రమే కాకుండా సెమీ క్రయోజనిక్ స్టేజ్తో లాంచ్ వెహికిల్ మార్క్–3 వాహనాలకు, ఎన్జీఎల్వీ స్కేల్ అప్ కాన్ఫిగరేషన్లను సపోర్ట్ చేసేలా డిజైన్ చేయనున్నారు.
2035 నాటికి భారతీయ అంతరిక్ష కేంద్రం(బీఏఎస్)ను నెలకొల్పడం, 2040 నాటికి చంద్రుడిపైకి మానవ సహిత యాత్ర చేపట్టాలనే బృహత్ లక్ష్యాలు ప్రస్తుతం ఇస్రో ముందు ఉన్నాయి. అందుకే, అంతరిక్ష నౌకల లాంచ్కు అన్ని విధాలా సరిపోయేలా మూడో లాంచ్ ప్యాడ్ను నాలుగేండ్ల వ్యవధిలో నిర్మించనున్నారు.
ప్రస్తుతం ఇస్రో వద్ద దిగువ భూకక్ష్యలో 8,000 టన్నులు గల వ్యోమనౌకలను ఉంచగల సామర్థ్యం ఉన్నది. ప్రస్తుతం దిగువ భూ కక్ష్యలో 30,000 టన్నులు గల వ్యోమనౌకలను ఉంచగల సామర్థ్యంతో మూడో లాంచ్ప్యాడును నిర్మించనున్నారు.
ఇండియన్ స్పేస్ రీసెర్చ్ ఆర్గనైజేషన్ 91 మీటర్ల ఎత్తులో నెక్స్ట్ జనరేషన్ లాంచ్ వెహికిల్(ఎన్ఎల్జీవీ)ని కూడా అభివృద్ధి చేస్తున్నది.
లాంచ్ప్యాడ్ ఎన్జీఎల్వీకి మాత్రమే కాకుండా సెమీ క్రయోజెనిక్ దశతో ఉన్న ఎల్వీఎం–3 వాహనాలకూ మద్దతు ఇవ్వడానికి అనుకూలమైన కాన్ఫిగరేషన్ను కలిగి ఉండేలా రూపొందిస్తున్నారు. ఇది 70 టన్నుల పేలోడును దిగువ భూ కక్ష్యకు తరలించే సామర్థ్యాలతో ఎన్జీఎల్వీ స్కేల్డ్ ఆఫ్ కాన్ఫిగరేషన్లకు తీసుకెళ్లేలా రూపొందిస్తున్నారు.
