హైదరాబాద్, వెలుగు: రియల్టీ సంస్థ ప్రణవ గ్రూప్ మరో భారీ ప్రాజెక్టును చేపట్టింది. గతంలో సెంట్రల్ బిజినెస్ డిస్ట్రిక్ట్ లో ఎత్తైన భవనం కట్టిన ఈ సంస్థే మరో భారీ ప్రాజెక్ట్ ప్రణవ వన్ నిర్మాణానికి శంకుస్థాపన చేసింది. క్లబ్ హౌస్ను కూడా ప్రారంభించింది.
ఎకరం విస్తీర్ణంలో నిర్మితమవుతున్న ఈ ప్రతిష్టాత్మక ప్రాజెక్ట్‌‌‌‌‌‌‌‌‌‌‌‌‌‌‌‌లో 95 సూపర్ లగ్జరీ నివాసాలు ఉంటాయని ప్రణవ గ్రూప్ చైర్మన్ రవి కుమార్ గుప్తా చెప్పారు. పర్యావరణ అనుకూలంగా ఈ ప్రాజెక్టును కడుతున్నామని, సుస్థిరతకు ప్రాధాన్యత ఇచ్చే విధంగా దీనిని డిజైన్ చేశామన్నారు. ప్రత్యేకంగా ప్రపంచ స్థాయి క్లబ్ హౌస్ ను రూపొందించామన్నారు.
ఇది అమెరికా, యూరప్ దేశాల్లో మాదిరిగా అద్భుతమైన సౌకర్యాలతో ఉంటుందన్నారు. అసాధారణ ఆర్కిటెక్చర్, విలాసవంతమైన సౌకర్యాలు, అత్యాధునిక ఫీచర్లు ఈ ప్రాజెక్టు ప్రత్యేకతలు అని గుప్తా వివరించారు. ఇక్కడ నివాసం ఉండేవారు స్టెప్ గార్డెన్ ద్వారా తాజా పండ్లు, కూరగాయలను పెంచుకోవచ్చన్నారు.
