తెలంగాణలో అధికార.. ప్రతిపక్షాల చర్యలను కేంద్రహోంశాఖ మంత్రి బండి సంజయ్ తప్పు పట్టారు. బీఆర్ఎస్ కాళేశ్వరం పేరుతో లక్షల కోట్ల రూపాయిలు అవినీతి చేస్తే.. ప్రస్తుత ప్రభుత్వం మూసీ పేరుతో అవినీతి చేస్తుందన్నారు. గత ప్రభుత్వం అయ్యప్ప సొసైటీ కూల్చివేత పేరుతో బీఆర్ఎస్ వసూళ్లకు పాల్పడిందన్నారు. ప్రస్తుతం ప్రభుత్వ ఉద్యోగులకు జీతాలు ఇవ్వలేని పరిస్థితిలో ఉన్నామని.. అప్పులు తెచ్చి మూసీ ప్రక్షాళన అవసరమా అని ప్రశ్నించారు . ఇందిరమ్మ పాలన అంటే ఇదేనా అన్న కేంద్ర మంత్రి.. హైడ్రా తీరును ప్రజలు తప్పుపడతున్నారన్నారు .
హైడ్రా దాడులపై బీజేపీ ఉద్యమం చేపడుతుందని కేంద్రమంత్రి బండి సంజయ్ అన్నారు. మా ప్రాణాలు తీశాకే.. ప్రజల ఇండ్లపై దాడులు చేయాలని ఆయన అన్నారు. అవినీతికి కేరాఫ్ గా కుటుంబ వారసత్వ పార్టీలు ఉన్నాయంటూ.. కాంగ్రెస్, బీఆర్ఎస్, డీఎంకే పార్టీలు సామాన్య కార్యకర్తలను పట్టించుకోకుండా... కుటుంబ సభ్యులకే పదవులు కట్టబెట్టారని కేంద్రమంత్రి బండి సంజయ్ అన్నారు.
