ఈ మధ్యకాలంలో వికీపీడియా వినియోగం బాగా ఎక్కువయ్యింది. దీంతో నెటిజన్లు తెలియని విషయాల గురించి లేదా వ్యక్తుల గురించి తెలుసుకునేందుకు వికీపీడియా ని ఆశ్రయిస్తున్నారు. అయితే ఈ వికీపీడియాలో కంటెంట్ ని ఎవరైనా ఎడిట్ చెయ్యవచ్చు. దీంతో కొందరు తప్పుడు సమాచారం అందిస్తూ నెటిజన్లని తప్పుదోవ పట్టిస్తున్నారు.
వికీపీడియాకు కేంద్రం నోటీసులు జారీ చేసింది. వెబ్సైట్ కంటెంట్ లో తప్పులు ఉన్నాయని అందిన ఫిర్యాదుల మేరకు నోటీసులు పంపింది. వికీని పబ్లిషర్ గా ఎందుకు గుర్తించకూడదో చెప్పాలని ఆదేశించింది. కాగా ఎవరైనా ఈ ప్లాట్ఫాంలో సమాచారం చేర్చే అవకాశం ఉండటంతో తాము పబ్లిషర్ కాదని వికీ గతంలో పేర్కొంది.
పరిమిత ఎడిటోరియల్ టీమ్ తో డేటాను మానిటర్ చేస్తున్నామని చెప్పింది. అయితే పక్షపాతంగా సమాచారం ఉంటుందని పలువురు కంప్లైంట్ చేయటంతో కేంద్రం చర్యలు చేపట్టింది. కాగా, ఈ సంస్థ దేశానికి వ్యతిరేకంగా సమాచారాన్ని పొందుపరిచి ప్రజలను తప్పుదోవ పట్టిస్తుందని కూడా గతంలో పలు జాతీయవాద సంఘాలు ఆరోపించిన విషయం తెలిసిందే.
