భైంసా, వెలుగు: కేంద్ర ప్రభుత్వం మూడేండ్ల క్రితం బాసరకు మంజూరు చేసిన కేంద్రీయ విశ్వవిద్యాలయం ఏర్పాటు పనులను త్వరలోనే ప్రారంభిస్తామని ఆదిలాబాద్ ఎంపీ సోయం బాపూరావు అన్నారు. బుధవారం ముథోల్ఎమ్మెల్యే రామారావు పటేల్తో కలిసి కలెక్టర్ఆశిష్ సంగ్వాన్ను కలిసి పలు విషయాలపై చర్చించారు.
కేంద్ర ప్రభుత్వం 2020లో బాసరలో విశ్వవిద్యాలయాన్ని మంజూరు చేసిందని, అప్పటి బీఆర్ఎస్ ప్రభుత్వం విశ్వవిద్యాలయం ఏర్పాటుకు చర్యలు తీసుకోలేదన్నారు. వర్సిటీకి అనువైన స్థలం ఉన్నందున ఆ దిశగా చర్యలు తీసుకోవాలని కలెక్టర్కు వినతి పత్రం అందించామన్నారు. వర్సిటీ ఏర్పాటుతో ఉమ్మడి జిల్లా విద్యార్థులతో పాటు చుట్టు పక్కల జిల్లాల వారికి మెరుగైన విద్య అందుతుందని పేర్కొన్నారు.
