- కసరత్తు చేస్తున్న కేంద్ర ప్రభుత్వం
న్యూఢిల్లీ : ఆర్గాన్ డొనేషన్, ట్రాన్స్ప్లాంటేషన్కు సంబంధించి దేశవ్యాప్తంగా ఒకే పాలసీ తెచ్చేందుకు కేంద్ర ప్రభుత్వం కసరత్తు చేస్తున్నది. దీనిపై ఇప్పటికే రాష్ట్రాలతో సంప్రదింపులు జరుపుతున్నది. ఈ మేరకు కేంద్ర ఆరోగ్య శాఖ అడిషనల్ సెక్రటరీ ఎల్ఎస్ చాంగ్సన్ తెలిపారు. ఆర్గాన్ డొనేషన్, ట్రాన్స్ ప్లాంటేషన్ కు సంబంధించి టెక్నాలజీ, చట్ట పరంగా తీసుకురావాల్సిన సంస్కరణలపై ఢిల్లీలో చింతన్ శిబిర్ నిర్వహిస్తున్నారు.
ALSO READ :>వరంగల్‌ హెల్త్‌ సిటీపై విచారణ షురూ!
రెండ్రోజుల పాటు నిర్వహించే ఈ కార్యక్రమాన్ని ఎల్ఎస్ చాంగ్సన్ శుక్రవారం ప్రారంభించారు. ఈ సందర్భంగా ఆమె మాట్లాడుతూ...‘‘అవయవదానం అనేది జీవన విధానంగా మారాలి. అప్పుడు మనం ఆర్గాన్ ఫెయిల్యూర్స్ తో బాధపడుతున్న ఎంతో మందికి కొత్త జీవితం ఇవ్వగలం” అని అన్నారు. ఆర్గాన్ డొనేషన్ ను ప్రోత్సహించాలని సూచించారు. ప్రభుత్వ ఆస్పత్రుల్లో ఆర్గాన్ ట్రాన్స్ప్లాంటేషన్కు అవసరమైన సౌలతులు కల్పిస్తున్నామని చెప్పారు.
