న్యూఢిల్లీ: ఎయిర్పోర్ట్స్, కేఫ్స్, హోటల్స్, బస్స్టాండ్లాంటి పబ్లిక్ ప్లేసెస్లో మీరు ఫోన్ చార్జర్స్ వాడుతున్నారా? అయితే, అప్రమత్తంగా ఉండాలని కేంద్ర సర్కారు వార్నింగ్ ఇస్తున్నది. యూఎస్బీ చార్జింగ్ స్కాంలు పెరుగుతున్న నేపథ్యంలో పబ్లిక్ ఫోన్ చార్జింగ్ పిన్స్ను వాడొద్దని హెచ్చరిస్తున్నది. సైబర్ నేరగాళ్లు పబ్లిక్ ప్లేసెస్లో యూఎస్బీ చార్జింగ్ పోర్ట్స్ను ఏర్పాటు చేసి, డేటా చౌర్యానికి పాల్పడుతున్నట్టు తెలిపింది. ఇందుకోసం జ్యూస్ జాకింగ్ను ఉపయోగిస్తున్నట్టు చెప్పింది.
జ్యూస్ జాకింగ్ అంటే?
- సైబర్ నేరగాళ్లు ప్రజల ఫోన్లనుంచి డేటాను చౌర్యం చేసేందుకు ఉపయోగిస్తున్న కొత్త పద్ధతి.
- ఇందుకు పబ్లిక్ ప్లేసెస్లో ఫేక్ చార్జర్లను అమరుస్తారు. వీటితో ఎవరైనా ఫోన్ చార్జింగ్ పెట్టుకోగానే అందులో మాల్వేర్, ర్యాన్సమ్వేర్ను ఇన్స్టాల్ చేసి ఫోన్లోని సమాచారం సేకరిస్తారు. ఫోన్ పనిచేయకుండా కూడా చేయగలరు.
- క్రెడిట్ కార్డులు, పాస్వర్డ్స్లాంటి సున్నితమైన వివరాలు సైబర్ నేరగాళ్ల చేతిలోకి వెళ్లిపోతాయి.
- సేకరించిన సమాచారాన్ని తమకు కావాల్సిన విధంగా వారు వాడుకుంటారు.
-
ఇలా చేస్తే సేఫ్గా ఉండొచ్చు
- పబ్లిక్ ప్లేసెస్లో సొంత చార్జర్ను ఎలక్ట్రిక్ వాల్ఔట్లెట్స్కు కనెక్ట్ చేసుకోవాలి. సొంత కేబుల్స్, పవర్ బ్యాంక్స్ వాడాలి
- డివైజ్ను లాక్ చేసుకోవాలి. తెలియని నెట్వర్క్లు లేదా కనెక్షన్ను ఆపేయాలి.
- ఓపెన్ వైఫై నెట్వర్క్స్ను వాడకూడదు.
- అదనపు భద్రత కోసం యూఎస్బీ డేటా బ్లాకర్ను ఉపయోగించాలి. ఇది మీ పరికరం, చార్జింగ్ స్టేషన్ మధ్య డేటా మార్పిడిని నిరోధిస్తుంది.
- ఫోన్ ఆఫ్లో పెట్టి చార్జింగ్ పెట్టాలి.
- ఒకవేళ సైబర్ ఫ్రాడ్ జరిగితే వెంటనే www.cybercrime.gov.in లేదా 1930 నంబర్లో ఫిర్యాదు చేయాలి.
