ఏపీలో వరద నష్టాన్ని అంచనా వేసేందుకు కేంద్రబృదం పర్యటించింది. ప్రధాని మోదీ ఆదేశాలతో ఏపీకి అండగా ఉండటానికి వచ్చానని కేంద్రమంత్రి శివరాజ్ సింగ్ చౌహాన్ తెలిపారు. ఏపీలో వరద ప్రభావిత ప్రాంతాల్లో పర్యటించిన ఆయన .. ఆకస్మిక వరదలతో విజయవాడ తల్లడిల్లిందన్నారు. రెండు రోజుల్లో 40 సెంటీమీటర్ల వర్షపాతం నమోదు అయిందని.. బుడమేరు గండిని పూడ్చేందుకు ఆర్మీ రంగంలోకి దిగుతుందన్నారు.
ALSO READ | Pawan Kalyan: వరద బాధితులకు అండగా పవన్..తెలుగు రాష్ట్రాలకు రూ.6 కోట్ల భారీ విరాళం
ఆంధ్రప్రదేశ్ కేంద్రం అండగా ఉంటుందన్నారు. లక్ష హెక్టార్లకు పైగా పంట నష్టం జరిగిందని.. ప్రజల ప్రాణాలను కాపాడటానికి ఏపీ ప్రభుత్వం తీవ్రంగా కృషి చేసిందన్నారు. ఏపీ ప్రభుత్వం తీసుకున్న సహాయక చర్యలపై ప్రజలు సంతృప్తిగా ఉన్నారంటూ.. డ్రోన్ ల ద్వారా నిత్యావసరాలు సరఫరా చేశారని కేంద్రమంత్రి అన్నారు. బుడమేరు వరదలకు అక్రమ మైనింగ్ కారణమన్నారు, ఎన్డీఆర్ఎఫ్, ఎయిర్ ఫోర్స్ బృందాలను పంపామన్నారు. క్షేత్రస్థాయిలో వరద నష్టాన్ని అంచనా వేసి సాయం అందజేస్తామన్నారు. వ్యాపారులు, సామాన్యులు కూడా తీవ్రంగా నష్టపోయారని కేంద్రమంత్రి శివరాజ్ సింగ్ చౌహాన్ అన్నారు.
