హైదరాబాద్, వెలుగు: రాబోయే 5 సంవత్సరాలలో ప్రపంచ వ్యాప్తంగా 15 నుంచి 20 కొత్త పర్సనలైజ్డ్ మందులు రాబోతున్నాయని, భారతదేశం కూడా అత్యంత అభివృద్ధి చెందిన దేశాలతో సమానంగా ఈ విషయంలో వేగంగా పురోగమిస్తోందని డాక్టర్ రెడ్డీస్ లేబొరేటరీస్ సీఈఓ దీపక్ సప్రా అన్నారు. ఒక్కో డ్రగ్ను మార్కెట్కు తీసుకురావడానికి 10 నుంచి 15 సంవత్సరాలు పడుతుందని చెప్పారు.
హైదరాబాద్లోని హెచ్ఐసీసీలో డిజిటైజేషన్పై శుక్రవారం జరిగిన ఒక కార్యక్రమంలో ఆయన మాట్లాడుతూ ఏఐ, మెషిన్ లెర్నింగ్ వంటి వాటితో శరీరంలో మందులు ఎలా ప్రవర్తిస్తాయో అంచనా వేయవచ్చని చెప్పారు. మన మొబైల్ఫోనే త్వరలో రోగనిర్ధారణ పరికరంగా మారబోతుందని చెప్పారు. విదేశాల్లోనే కాకుండా భారతదేశంలో పర్సనలైజ్డ్ మందులపై పరిశోధన జరుగుతుందని దీపక్ సప్రా తెలిపారు. కార్యక్రమంలో ఇంజినీరింగ్, తయారీ రంగాలకు చెందిన 100కి పైగా ప్రముఖులు పాల్గొన్నారు
