గండిపేట, వెలుగు: సిటీలో వరుస చైన్ స్నాచింగ్ఘటనలు కలకలం సృష్టిస్తున్నాయి. సోమవారం ఒక్కరోజే మూడు చైన్ స్నాచింగ్లు జరగగా, మంగళవారం రోడ్డుపై నడుచుకుంటూ వెళ్తున్న మహిళ మెడలోని పుస్తెలతాడును లాక్కెళ్లాడో దుండగుడు. నార్సింగి పోలీసుల వివరాల ప్రకారం.. మణికొండ అల్కాపూర్‌ టౌన్‌‌షిప్కు చెందిన భాగ్యలక్ష్మి మంగళవారం స్పోర్ట్స్‌ పార్క్‌ సమీపంలో ఒంటరిగా నడుచుకుంటూ వెళ్తోంది. అదే సమయంలో వెనుక నుంచి నడుచుకుంటూ వచ్చిన ఓ దుండగుడు ఆమె మెడలోని 5 తులాల బంగారు పుస్తెలతాడును లాక్కెళ్లాడు. ఈ క్రమంలో ఆమెను రోడ్డుపై తోసేశాడు. బాధితురాలు తేరుకొని కేకలు వేసేలోపే నిందితుడు అక్కడ్నుంచి పరారయ్యాడు. ఈ ఘటనకు సంబంధించిన దృశ్యాలు పక్కనే ఉన్న ఓ ఇంటి సీసీ కెమెరాలో రికార్డయ్యాయి. బాధితురాలి ఫిర్యాదుతో నార్సింగి పోలీసులు కేసు నమోదు చేసి దర్యాప్తు చేస్తున్నారు.
