మేడ్చల్ జిల్లా శామీర్ పేట PS పరిధిలో చైన్ స్నాచర్లు రెచ్చిపోయారు. వేరువేరు చోట్ల వరుసగా దొంగతనానికి పాల్పడ్డారు. మూడుచింతలపల్లి మండలం అనంతారం గ్రామంలో నడుచుకుంటూ వెళ్తున్న మహిళ మెడలోంచి 3 తులలా పుస్తెలతాడు లాక్కొని బైక్ పై పారిపోయారు. అదే మండలం కేశవరం గ్రామంలో ఇంటి ముందు అరుగుపై కూర్చున్న మహిళ మెడలోంచి 2 తులాల పుస్తెలతాడు చోరీ చేసి పరారయ్యారు. దీంతో పాటు జవహర్ నగర్లో చోరీ చేశారు.
సిధ్దిపేట జిల్లాలో ఒకే రోజు నాలుగు గొలుసు చోరీలకు పాల్పడ్డారు. చేర్యాలలో చోరీ చేసిన దుండగులే సిటీలో చోరీలకు పాల్పడినట్లు సీసీ కెమెరాలో రికార్డు అయిన విజువల్స్ ఆధారంగా గుర్తించారు పోలీసులు. దుండగులను పట్టుకోవడానికి స్పెషల్ టీమ్ ఏర్పాటు చేసి గాలిస్తునట్టు తెలిపారు రాచకొండ, సైబరాబాద్, సిధ్దిపేట పోలీసు ఉన్నతాధికారులు.
