హైదరాబాద్ లో చైన్ స్నాచర్లు రెచ్చిపోయారు.. అత్తాపూర్ పరిధిలోని శివరాంపల్లి సర్వారెడ్డి కాలనిలో నడుచుకుంటూ వెళుతున్న మహిళ మేడలో చైన్ లాక్కెళ్లారు దుండగులు. మంగళవారం ( ఫిబ్రవరి 25 ) చోటు చేసుకుంది ఈ ఘటన. శుభకార్యానికి వెళ్లిన మహిళ ఇంటికి తిరిగి వస్తుండగా.. బైక్ పై వచ్చిన ఇద్దరు దుండగులు ఆమె మేడలో చైన్ దొంగలించారు.
మహిళ మేడలో చైన్ బలంగా లాగడంతో ఆమె ఒక్కసారిగా కింద పడింది. ఈ క్రమంలో మహిళకు తీవ్ర గాయాలయ్యాయి. ఘటనపై అత్తాపూర్ పోలీసులకు ఫిర్యాదు చేసింది బాధిత మహిళ. కేసు నమోదు చేసిన పోలీసులు దర్యాప్తు చేస్తున్నారు.
