రెంటుకు ఇల్లు కావాలంటూ వచ్చారు.. వృద్ధురాలు ఒక్కతే ఉందని గమనించి.. మెడలో ఉన్న ఐదు తులాల బంగారాన్ని లాక్కెళ్లారు. ఈ ఘటన జూన్ 1వ తేదీ శనివారం హైదరాబాద్ నాగోల్ పోలీస్ స్టేషన్ పరిధిలోని మర్రిపల్లిలో చోటు చేసుకుంది.
ఈరోజు మధ్యాహ్నం రెంటుకు ఇల్లు కావాలని ఇద్దరు యువకులు వచ్చారు. అయితే ఇంటిముందు ఉన్న గడ్డం సుశీల(86) అనే వృద్దురాలి ఒంటరిగా ఉండటం గమనించిన దుండగులు.. ఆమె మెడలో ఉన్న చైన్ లాక్కుని పరారయ్యారు. వృద్ధురాలు కాళ్లుపట్టుకొని బతిమిలాడినా దొంగలు కనికరించలేదు. ఇద్దరు గుర్తు తెలియని వ్యక్తులు చైన్ లాక్కెళ్లిన విజువల్స్ సీసీ కెమెరాలో రికార్డయ్యాయి. ఈ ఘటనపై నాగోల్ పీఎస్ లో బాధితురాలు ఫిర్యాదు చేసింది. కేసు నమోదు చేసుకున్న పోలీసులు దర్యాప్తు చేస్తున్నారు
