- డైరెక్టర్ హోదాలోని డీసీవో శ్రీనివాస్రావుకు నో కాన్ఫిడెన్స్లెటర్ఎలా ఇస్తరు..?
- ఇరువర్గాల వాదనలు పూర్తి..
- కోర్టు తీర్పుపై సర్వత్రా ఉత్కంఠ
- క్యాంపులోనే అనుకూల, వ్యతిరేక డైరెక్టర్లు
- రేపటి స్పెషల్ మీటింగ్ఏర్పాట్లలో డీసీవో బిజీ
నిజామాబాద్, వెలుగు : డీసీవో శ్రీనివాస్రావు అవిశ్వాస తీర్మాన లెటర్ తీసుకొని మీటింగ్ కుఏర్పాట్లు చేయడాన్ని చైర్మన్ పోచారం భాస్కర్రెడ్డి హైకోర్టులో సవాల్ చేస్తూ పిటిషన్ దాఖలు చేశారు. మంగళవారం ఇరువురి వాదనలు విన్న కోర్టు తీర్పును రిజర్వులో పెట్టడంతో సర్వత్రా ఉత్కంఠ నెలకొంది. మరోవైపు గురువారం నో కాన్ఫిడెన్స్ స్పెషల్ మీటింగ్కు డీసీవో శ్రీనివాస్రావు అంతా సిద్ధం చేస్తున్నారు. ఈ పరిణామాలు గమనిస్తూ చైర్మన్ భాస్కర్రెడ్డి అనుకూల, వ్యతిరేక డైరెక్టర్లు ఇంకా క్యాంపుల్లోనే కొనసాగుతున్నారు.
25 మంది పాలక డైరెక్టర్లు..
ఉమ్మడి జిల్లాలోని143 సింగిల్ విండోలకు ప్రాతినిథ్యం వహిస్తున్నవారిలో 20 మంది డైరెక్టర్లు డీసీసీబీలో ఉంటారు. వారిలో నుంచి ఒకరు చైర్మన్గా, మరొకరు వైస్చైర్మన్గా ఎన్నికవుతారు. ఈ డైరెక్టర్లకు మాత్రమే ఓటు హక్కు ఉంటుంది. అదనంగా మరో ఐదుగురు డైరెక్టర్లను ఆఫీసర్ల నుంచి అపాయింట్చేస్తారు. డీసీవో, నాబార్డు డీడీఎం, టెస్కాబ్డీజీఎం, బ్యాంకు సీఈవో, ప్రొఫెషనల్ డైరెక్టర్గా ఒకరిని నామినేట్చేస్తారు. పాలకవర్గం నిర్ణయాల్లో డైరెక్టర్లుగా వీరి భాగస్వామ్యం ఉన్నా వీరికి ఓటు హక్కు మాత్రం ఉండదు. తనతోపాటు డైరెక్టర్గా వ్యవహరించే డీసీవోకు డైరెక్టర్లు అవిశ్వాస లెటర్ఇవ్వడం
దానిని ఆమోదించి ఆయన స్పెషల్మీటింగ్ ఏర్పాటు చేయడాన్ని చైర్మన్ భాస్కర్రెడ్డి హైకోర్టులో ఛాలెంజ్ చేశారు. జిల్లా కలెక్టర్ లేదా సహకారశాఖ కమిషనర్కు మాత్రమే ఆ రైట్స్ ఉన్నాయని కోర్టుకు తెలిపారు. అవిశ్వాస మీటింగ్ నిర్వహించే పవర్స్డీసీవోకు లేనందున ఆ మీటింగ్రద్దు చేస్తూ ఆదేశాలు ఇవ్వాలని ఆయన తరపు లాయర్ కోర్టులో వాదించారు. డీసీవో తరఫున గవర్నమెంట్లాయర్ వాదనలు వినిపించారు. మంగళవారం ఇరువురి వాదనలు విన్న జడ్జి తీర్పును రిజర్వు చేశారు. దీంతో అందరిలో టెన్షన్ఏర్పడింది. చైర్మన్కు అనుకూలంగా తీర్పు వస్తే అవిశ్వాస మీటింగ్ రద్దవుతుంది.
మీటింగ్ ఏర్పాట్లలో డీసీవో బిజీ..
ఇంతకుముందు నిర్ణయించిన ప్రకారం డీసీవో శ్రీనివాస్రావు నో కాన్ఫిడెన్స్మీటింగ్ఏర్పాట్లు చేస్తున్నారు. ఈనెల 4న చైర్మన్పోచారం భాస్కర్రెడ్డిపై అవిశ్వాసం వ్యక్తం చేస్తూ 14 మంది డైరెక్టర్లు అందించిన లెటర్ పై సంతకాలు కన్ఫార్మ్ చేసుకున్నాక.. నిబంధనల ప్రకారం 15 రోజుల గడువుతో ఈనెల 21న మీటింగ్ ఏర్పాటు చేసుకోవచ్చని డైరెక్టర్లకు తెలిపానని డీసీవో తరపున లాయర్ కోర్టుకు వివరించారు. ఆ ప్రకారం స్పెషల్మీటింగ్కు ఆయన రెడీ అవుతున్నారని చెప్పారు.
శతవిధాలా ప్రయత్నాలు..
బీఆర్ఎస్ ప్రభుత్వంలో స్పీకర్గా వ్యవహరించిన పోచారం శ్రీనివాస్రెడ్డి ఆయన కొడుకును నాలుగేండ్ల కింద పోచారం భాస్కర్రెడ్డి డీసీసీబీ చైర్మన్ పదవికి ఎంపిక చేశారు. ఓటు హక్కు ఉన్న 20 మంది డైరెక్టర్లలో 14 మంది ఆయనపై నో కాన్ఫిడెన్స్ వ్యక్తం చేస్తున్నారు. భాస్కర్రెడ్డికి మద్దతుగా ఆరుగురు డైరెక్టర్లు ఉన్నారు. 11 మంది డైరెక్టర్లతో అవిశ్వాస మీటింగ్నిర్వహించవచ్చు, అయితే అవిశ్వాసాన్ని గెలిపించడానికి 2/3 అంటే14 మంది డైరెక్టర్ల ఓట్లు అవసరం. వైస్చైర్మన్ రమేశ్రెడ్డి నాయకత్వంలో ఆయనకు మద్దతుగా నో కాన్ఫిడెన్స్ వ్యవహారాలు నడుస్తున్నాయి.
ఆయన క్యాంపులో ఉన్న 14 మంది డైరెక్టర్లలో ఒక్కరిని లాక్కొని అవిశ్వాసం వీగిపోయేలా చేసేందుకు భాస్కర్రెడ్డి పావులు కదుపుతున్నారు. ఆయనకు ఎవరూ చిక్కకుండా రమేశ్రెడ్డి అన్ని జాగ్రత్తలు తీసుకుంటున్నారు. ఇప్పుడు కోర్టుకు వెళ్లి పదవి కాపాడుకునేందుకు చైర్మన్భాస్కర్రెడ్డి ప్రయత్నాలు చేస్తున్నారు. ఫైనల్గా కోర్టు తీర్పుపై వారి భవిష్యత్ ఆధారపడి ఉంది.
