చైతన్య రావ్, లావణ్య జంటగా చెందు ముద్దు దర్శకత్వంలో తెరకెక్కుతున్న చిత్రం ‘అన్నపూర్ణ ఫొటో స్టూడియో’. యష్ రంగినేని నిర్మిస్తున్నారు. ఆదివారం ఈ మూవీ ట్రైలర్‌‌‌‌‌‌‌‌ను విజయ్ దేవరకొండ రిలీజ్ చేసి టీమ్‌‌‌‌కి ఆల్ ద బెస్ట్ చెప్పాడు. కామెడీ, లవ్, సస్పెన్స్, థ్రిల్లర్, క్రైమ్ డ్రామా సహా అన్నీ ఎలిమెంట్స్ ట్రైలర్‌‌‌‌‌‌‌‌లో ఉన్నాయి. 80, 90ల బ్యాక్‌‌‌‌డ్రాప్ కనిపించడంతో ఫ్రెష్ ఫీలింగ్ వచ్చింది. సాంగ్స్, బ్యాక్ గ్రౌండ్ స్కోరు, కెమెరా వర్క్ ఆకట్టుకున్నాయి. ఈ సందర్భంగా హీరో హీరోయిన్ మాట్లాడుతూ ‘మమ్మల్ని సపోర్ట్ చేసేందుకు వచ్చిన విజయ్‌‌‌‌కు థాంక్స్.
ఈ సినిమా అందరికీ నచ్చుతుందనే నమ్మకం ఉంది’ అన్నారు. ‘ఫస్ట్ హాఫ్ అంతా కామెడీ, ఫన్‌‌‌‌గా నడుస్తుంది.సెకండ్ హాఫ్‌‌‌‌లో ట్విస్టులుంటాయి. సంక్రాంతి హాలీడేలకు ఎంజాయ్ చేసినట్టుగా సినిమా ఉంటుంది’ అని దర్శక నిర్మాతలు చెప్పారు. మిహిరా, ఉత్తర, వైవా రాఘవ, లలిత్ ఆదిత్య ఇతర పాత్రల్లో కనిపించనున్నారు. జులై 21న సినిమా విడుదల కానుంది.
