కేసీఆర్ చెప్పేవన్నీ అబద్ధాలే. పాలమూరు 80 శాతం పూర్తయ్యిందంటే అర్థం 80 శాతం నిధులు బుక్కారని. 80 శాతం పనులు మాత్రం ఎక్కడా కాలేదు. ఈ ప్రాజెక్టు పేరుతో 80 శాతం నిధులు డ్రా చేసుకున్నరు. ఉద్దండాపూర్, కరివెన ప్రాజెక్టులు 30 శాతం కూడా పూర్తికాలే. లక్ష్మీదేవిపల్లికి ల్యాండ్ అక్విజేషన్ కూడా పూర్తి చేయలే. అలాంటప్పుడు 80 శాతం పనులు ఎట్లయితై? జలయజ్ఞం కింద 2004లో అప్పటి సీఎం వైఎస్సార్ ఉమ్మడి పాలమూరు జిల్లాను సస్యశ్యామలం చేయడానికి కోయిల్సాగర్, నెట్టెంపాడు, భీమా, కల్వకుర్తి స్కీములను తెచ్చిండు.
2014 నాటికి ఇవి దాదాపు పూర్తయ్యాయి. మిగిలిన పనులు చేయడానికి కేసీఆర్కు మనసు రాలేదు. కాంగ్రెస్కు పేరొస్తుందని ఈ స్కీములను పట్టించుకోలేదు. మొన్న జరిగిన అసెంబ్లీ ఎన్నికల్లో కాంగ్రెస్ గెలుస్తుందని తెలిసి ప్రజలను మాయ చేసేందుకు 'పాలమూరు' స్కీమ్కు డ్రై రన్ చేసిండు. ఉమ్మడి జిల్లాకు వస్తున్న సాగునీరంతా కాంగ్రెస్ ప్రభుత్వంలో కట్టిన ప్రాజెక్టులతోనే వస్తున్నయ్.
