హైదరాబాద్, వెలుగు: ప్రమాణ స్వీకారం చేసిన రోజు నుంచి సీఎం రేవంత్ రెడ్డి రోజూ 18 గంటలు కష్టపడుతున్నారని, అన్ని శాఖలను రివ్యూ చేస్తున్నారని పీసీసీ వైస్ ప్రెసిడెంట్చామల కిరణ్ కుమార్రెడ్డి అన్నారు. ప్రభుత్వం ఏర్పడిన 5 రోజుల్లోనే పని మొదలుపెట్టారన్నారు. మంత్రులు కూడా తమ శాఖలను రివ్యూ చేస్తున్నారని పేర్కొన్నారు. బుధవారం ఆయన గాంధీ భవన్లో మీడియాతో మాట్లాడారు.
ఆరు గ్యారంటీలను వీలైనంత త్వరగా అమలు చేసేందుకు పనిచేస్తున్నారన్నారు. బీఆర్ఎస్ ప్రభుత్వం అన్నీ అప్పులే చేసిందని, కానీ, కేటీఆర్ మాత్రం ప్రభుత్వాన్ని బద్నాం చేస్తున్నారని విమర్శించారు. బీఆర్ఎస్ హయాంలో జరిగిన అవినీతిని వెలికితీస్తామన్నారు. బీఆర్ఎస్ చేసిన అప్పులు, ప్రభుత్వాన్ని నడిపిన తీరును ప్రజలకు వివరిస్తామన్నారు.
