నల్గొండ, వెలుగు: సీఎం రేవంత్రెడ్డికి ఇచ్చిన మాటను మునుగోడు ఎమ్మెల్యే కోమటిరెడ్డి రాజగోపాల్రెడ్డి నిలబెట్టుకున్నారు. భువనగిరి ఎంపీ అభ్యర్థి చామల కిరణ్కుమార్రెడ్డి గెలుపు బాధ్యతలను రేవంత్రెడ్డి.. రాజ గోపాల్ రెడ్డిపైపెట్టారు. చామలను ఎంపీ అభ్యర్థిగా డిక్లేర్ చేయగానే సీఎం స్వయంగా రాజగోపాల్రెడ్డి నివాసంలోనే ఎన్నికల కార్యాచరణపై సమీక్షించారు. కిరణ్ను ఎంపీగా గెలిపించాలని కోరారు. రాజగోపాల్రెడ్డి, మంత్రి కోమటిరెడ్డి వెంకట్రెడ్డి భువనగిరి నుంచే రెండుసార్లు ఎంపీగా ప్రాతినిధ్యం వహించారు. అయితే భువనగిరిలో రాజగోపాల్కు ఉన్న ఇమేజ్ దృష్ట్యా సీఎం ఆయన్నే ఇన్చార్జిగా పెట్టారు. అలాగే, కిరణ్ నామినేషన్ కార్యక్రమానికి సీఎం స్వయంగా వచ్చారు.
మల్లికార్జున ఖర్గే, మంత్రి కోమటిరెడ్డి వెంకట్రెడ్డి ఇక్కడ ప్రచార కార్యక్రమాల్లో పాల్గొన్నారు. ఫస్ట్ టైం ఎమ్మెల్యేలుగా నకిరేకల్, ఆలేరు, తుంగతుర్తి నియో జకవర్గాల్లో సైతం కాంగ్రెస్ లీడ్ వచ్చింది. బీఆర్ఎస్, బీజేపీలు ఇక్కడ బీసీ క్యాండేట్లను పోటీలో నిలబెట్టినా రాజగోపాల్రెడ్డి గట్టిగానే ఫైట్ చేశారు. ఫలితంగా 2,22,170 ఓట్ల భారీ మెజార్టీతో కిరణ్గెలిచారు. భువనగిరిలో కాంగ్రెస్గెలుపొందడంతో రాజగోపాల్రెడ్డికి కేబినెట్బెర్త్ ఖాయమనే చర్చ కూడా మొదలైంది. ఎన్నికల టైంలో అధిష్టానం ఇచ్చిన హామీ మేరకే రాజగోపాల్రెడ్డి భువనగిరి ఎన్నికను ప్రతిష్టాత్మకంగా తీసుకున్నా రు.
అంచనా తప్పలేదు
తెలంగాణలో పార్లమెంట్ఎన్నికల ఫలితాలపై కోమటిరెడ్డి రాజగోపాల్రెడ్డి అంచనా తప్పలేదు. ఆయన తన జన్మదినం సందర్భంగా శనివారం తిరుమలలో వేంకటేశ్వరస్వామిని దర్శించుకున్నారు. అనంతరం మీడియాతో ఏపీ అసెంబ్లీ, పార్లమెంట్ఎన్నికల ఫలితాలపై మాట్లాడారు. తెలంగాణలో కాంగ్రెస్, బీజేపీ సమానమైన సీట్లు గెలుచుకుంటాయని, ఈ రెండు పార్టీల మధ్యే పోటీ ఉంటుందని చెప్పారు. సరిగ్గా ఆయన చెప్పినట్టే ఫలితాలు వచ్చాయి.
