ఈసారి డొనాల్డ్ ట్రంప్, కమలా హారిస్లలో ఎవరూ అమెరికా ఎన్నికల్లో గెలవలేరంటూ ఏఐ టూల్ చాట్ జీపీటీ జోస్యం చెప్పింది. వీళ్లిద్దరూ వాళ్ల శక్తికి మించి కష్టపడ్డప్పటికీ రాత్రికిరాత్రి ఊహించని మరో వ్యక్తి అధికారం చేపడతారని అంచనా వేసింది. యూఎస్ ప్రెసిడెంట్ ఎన్నికల్లో ఎవరు గెలుస్తారని చాట్జీపీటీని ప్రశ్నించగా ఇలా విచిత్రమైన సమాధానం చెప్పింది. ఒకవేళ కమల అధికారాన్ని దక్కించుకోలేకపోయినా, భవిష్యత్లో ఆమె తిరిగి పుంజుకుంటారని పేర్కొంది.
ఓడినప్పటికీ రాజకీయాల్లో ఆమె ప్రభావం అంతకంతకూ పెరుగుతుందని చెప్పింది. ట్రంప్ విషయంలోనూ చాట్ జీపీటీ ఇదేమాదిరి అంచనాలు వేసింది. ఎన్ని అడ్డంకులు ఎదురవుతున్నా ట్రంప్ ప్రభావం ఏ మాత్రం తగ్గదంది. ఆయన కూతురు ఇవాంకా ట్రంప్ వారసత్వాన్ని కొనసాగిస్తారని చెప్పింది. ఇక గూగుల్ జెమినిని గెలిచేదెవరని ప్రశ్నించగా.. తానేం చెప్పలేనని, గూగుల్లో సెర్చ్ చేయండని సూచించింది. గూగుల్ చాట్ బాట్ కూడా ఎన్నికల ఫలితాలపై వ్యాఖ్యానించేందుకు నిరాకరించింది.
