- సకాలంలో వైద్యం అందక రోగులకు ఇక్కట్లు
- డాక్టర్లు లేక సిబ్బందే వైద్యం చేస్తున్న వైనం
- పట్టించుకోని జిల్లా ఉన్నతాధికారులు
హాస్పిటల్స్ స్థాయి పెరిగినా అందుకు అనుగుణంగా సిబ్బందిని నియమించకపోవడంతో వైద్యం కోసం వచ్చిన పేషెంట్లు ఇబ్బందిపడుతున్నారు. హాస్పిటల్కు డాక్టర్రాకపోతే మరో హాస్పిటల్ నుంచి డిప్యూటేషన్పై పంపి వైద్యసేవలకు అంతరాయం కలగకుండా చూస్తున్నారు. రెగ్యూలర్ డాక్టర్ లేకపోవడంతో ఉన్న వైద్యులకు ఇక్కట్లు తప్పడంలేదు. అంతేకాకుండా వైద్యం కోసం వస్తున్న పేదలకు వైద్య సేవలు అందకపోవడంతో ఆగ్రహం వ్యక్తం చేస్తున్నారు. ఆర్థిక స్తోమత ఉన్నవారు ప్రైవేట్ హాస్పిటల్స్కు వెళ్తున్నారు.
కామారెడ్డి, పిట్లం, వెలుగు: పిట్లం మండల కేంద్రంలోని సీహెచ్సీ హాస్పిటల్ వైద్య విధాన పరిషత్లో కొనసాగుతోంది. ఈ 30 పడకల హాస్పిటల్లో ఐదుగురు డాక్టర్లకుగాను ఒకరిని డిప్యూటేషన్పై నియమించగా మరొక డెంటిస్ట్ఉన్నారు. సూపరింటెండెంట్గా ఎల్లారెడ్డి హాస్పిటల్ సూపరింటెండెంట్కు బాధ్యతలు అప్పగించారు. ట్రీట్మెంట్కోసం పిట్లం, పెద్దకొడప్గల్, నిజాంసాగర్ మండలంలోని వారితో పాటు, పక్కనున్న సంగారెడ్డి జిల్లా సరిహద్దు గ్రామాల రోగులు వస్తారు. కనీసం రోజుకు 80 నుంచి 100 మంది వరకు వైద్యం కోసం వస్తారు.
డాక్టర్లు లేకపోవటంతో సిబ్బందేట్రీట్మెంట్ చేయాల్సి పరిస్థితి నెలకొంది. గత్యంతరం లేక కొందరు ప్రైవేట్హాస్పిటల్కు వెళ్తున్నారు. ఇటీవల ఓ వ్యక్తి జ్వరం వచ్చిన తన బిడ్డకు ట్రీట్మెంట్ కోసం హాస్పిటల్కు వస్తే డాక్టర్లు లేకపోవటంతో ప్రైవేట్హాస్పిటల్కు తీసుకెళ్లాడు. డాక్టర్లు లేని హాస్పిటల్ ఎందుకంటూ మెయిన్ గేట్కు అడ్డంగా తోపుడు బండ్లు పెట్టి ఆ తండ్రి నిరసన తెలిపాడు. ప్రజలకు వైద్యసేవలు అందాలన్న లక్ష్యంతో రూ. 10.70 కోట్ల వ్యయంతో కొత్త బిల్డింగ్ నిర్మాణం పనులు చేపట్టారు. నిధుల కొరతతో నిర్మాణంనిలిచిపోయింది. కాగా ఆయా సీహెచ్సీల్లో మొత్తం 20 మందికి గాను ఏడుగురు మాత్రమే ఉన్నారు.
ALSO READ : వాల్టా చట్టానికి పదును..చెరువుల రక్షణకు సర్కారు చర్యలు
సిబ్బంది కొరతతో..
బిక్కనూరు పీహెచ్సీలో ముగ్గురు డాక్టర్లకు గాను ఒకరిని మాచారెడ్డికి, మరొకరిని పుల్కల్ పీహెచ్సీకి డిప్యూటేషన్పై పంపారు. నిజాంసాగర్ పీహెచ్సీ డాక్టర్కు పెద్దకొడప్గల్ ఇన్చార్జి బాధ్యతలు అప్పగించారు. బిక్కనూరులో ఐదు ఏఎన్ఎం పోస్టులు, స్టాప్ నర్సు, ల్యాబ్ టెక్నిషియన్ పోస్టులు ఖాళీగా ఉన్నాయి. సిబ్బంది కొరతతో వైద్య సేవలకు అంతరాయం కలుగుతోంది.
జ్వరాల విజృంభణ
జిల్లా వ్యాప్తంగా విష జ్వరాలు విజృంభిస్తున్నాయి. డెంగ్యూ, మలేరియా, టైఫాయిడ్తో పాటు, చికెన్ గున్యా, సీజనల్ జ్వరాలతో వందలాది జ్వరపీడితులు ఉన్నారు. 40 డెంగ్యూ కేసులు నమోదయ్యాయి. గవర్నమెంట్ హాస్పిటల్స్లో వైద్యసేవలందక గత్యంతరం లేని పరిస్థితులో కొందరు ప్రైవేట్ హాస్పిటల్స్కు వెళ్తున్నారు. సీహెచ్సీలను అప్గ్రేడ్ చేసి వైద్య విధాన పరిషత్ లోకి చేర్చటంతో పాటు 30 పడకల హాస్పిటల్స్గా మార్చారు. ఇందుకు అనుగుణంగా డాక్టర్ల నియమాకం జరగలేదు. ఉన్నతాధికారులు చొరవ చూపి సమస్యను పరిష్కరించాల్సిన అవసరముంది.
వైద్య సేవలందిస్తున్నాం
సీహెచ్సీల్లో డాక్టర్ల కొరత ఉన్న దృష్ట్యా జిల్లా, ఏరియా హాస్పిటల్నుంచి డిప్యూటేషన్పై డాక్టర్లను పంపి వైద్యసేవలందిస్తున్నాం. రోగులకు ఇబ్బందులు రాకుండా చూస్తున్నాం. ఏవరైన డ్యూటీ డాక్టర్ రాకపోతే మరో హాస్పిటల్ నుంచి డాక్టర్ను పంపిస్తున్నాం.
డాక్టర్ విజయలక్ష్మీ, డీసీహెచ్ఓ, కామారెడ్డి జిల్లా
