బషీర్బాగ్, వెలుగు: స్టాక్మార్కెట్లో పెట్టుబడుల పేరుతో ఓ వ్యక్తిని మోసగించి రూ.14.63 లక్షలు కొట్టేసిన సైబర్నేరగాడిని పోలీసులు పట్టుకున్నారు. హైదరాబాద్ సైబర్ క్రైమ్ డీసీపీ తెలిపిన వివరాల ప్రకారం.. సిటీకి చెందిన ప్రైవేట్ఉద్యోగి(35) వాట్సాప్కు ఇటీవల స్టాక్ మార్కెట్లో పెట్టుబడులు పెడితే అధిక లాభాలు వస్తాయని ఓ నంబర్ నుంచి మెసేజ్వచ్చింది. స్పందించడంతో స్టాక్స్ కొనడం, అమ్మడంపై సలహాలు, సూచనలు ఇస్తామంటూ మరికొన్ని మెసేజ్లు వచ్చాయి.
అందులో ఇప్పటికే పలువురు ఇన్వెస్ట్చేయగా లభాలు వచ్చినట్లు స్కీన్షాట్లు ఉన్నాయి. నిజమేనని నమ్మిన ప్రైవేట్ఉద్యోగి వాట్సాప్లో వచ్చిన లింక్క్లిక్చేసి మొత్తం రూ.14లక్షల63వేల046 ఇన్వెస్ట్చేశాడు. దాదాపు 20 శాతం లాభాలు వస్తున్నాయని తర్వాత వాట్సాప్లో మెసేజ్లు వచ్చాయి. కొన్నిరోజుల తర్వాత లాభాలు వరకు విత్ డ్రా చేసుకుంటానని కోరగా, డబ్బంతా ఐపీఓలో పెట్టామని, విత్ డ్రా చేయడానికి సమయం పడుతుందని మెసేజ్లు వచ్చాయి. ఇంకా ఇన్వెస్ట్ చేస్తే మరిన్ని లాభాలు వస్తాయని ఒత్తిడి చేయడంతో మోసపోయానని గ్రహించాడు.
ఇన్ని రోజులు అతను మాట్లాడింది, డబ్బులు పంపించింది సైబర్నేరగాళ్లకు అని తెలుసుకున్నాడు. వెంటనే సైబర్ క్రైమ్ పోలీసులకు ఫిర్యాదు చేశాడు. ఇన్స్పెక్టర్ కె.సతీశ్ రెడ్డి నేతృత్వంలో దర్యాప్తు ప్రారంభించగా, ఉత్తరప్రదేశ్ లోని నోయిడాలో డేటా ఎంట్రీ ఆపరేటర్ గా పనిచేస్తున్న శివ శంకర్(27) ఈ మోసానికి పాల్పడినట్లు గుర్తించారు. శివశంకర్పై ఇదే తరహాలో తమిళనాడులో ఓ కేసు నమోదు అయినట్లు తెలుసుకున్నారు. అదుపులోకి తీసుకుని రిమాండ్ కు తరలించారు.
