గచ్చిబౌలి, వెలుగు: విద్యార్థుల అడ్మిషన్ల రికార్డులను తారుమారు చేసి రూ.2 కోట్ల వరకు చీటింగ్చేసిన చైతన్య డీమ్డ్ టూ బి యూనివర్సిటీకి చెందిన ముగ్గురు ఉద్యోగులను సైబరాబాద్ ఈఓడబ్ల్యూ అధికారులు అరెస్ట్ చేశారు. ఈఓడబ్ల్యూ డీసీపీ ప్రసాద్తెలిపిన వివరాల ప్రకారం.. రంగారెడ్డి జిల్లా మొయినాబాద్ మండలం హిమాయత్నగర్ గ్రామంలో చైతన్య డీమ్డ్ టూ బి యూనివర్సిటీ ఉంది. ఈ వర్సిటీలో వరంగల్ జిల్లా కాజీపేట్‌‌కు చెందిన సానికొమ్ము సుమ అడ్మిషన్ విభాగానికి డీన్ అండ్ ఇన్చార్జ్గా పని చేస్తోంది. ఇదే అడ్మిషన్ డిపార్ట్మెంట్‌‌లో హన్మకొండకు చెందిన భూపతి దినకర్, బుర్ర శ్రీకాంత్ పని చేస్తున్నారు.
ఈ కాలేజీలో వివిధ రాష్ర్టాలకు చెందిన విద్యార్థులు కొందరు నేరుగా, మరి కొందరు కన్సల్టెన్సీ లేదా ఏజెంట్ల ద్వారా అడ్మిషన్లు పొందుతారు. విద్యార్థులు కన్సల్టెన్సీ, ఏజెంట్ద్వారా అడ్మిషన్లు పొందితే ఏజెంట్లకు కాలేజీ మేనేజ్మెంట్ కమీషన్లు ఇస్తుంది. దీన్ని అసరాగా చేసుకున్న సుమ, దినకర్, శ్రీకాంత్లతో కలిసి డైరెక్ట్గా కాలేజీలో అడ్మిషన్లు తీసుకునే విద్యార్థులను ఏజెంట్లు, కన్సల్టెన్సీ ద్వారా అడ్మిషన్లు పొందినట్లు నకిలీ రికార్డులు సృష్టించారు.
అడ్మిషన్లలో ఏజెంట్ ద్వారా అడ్మిషన్లు తీసుకున్నట్లు రికార్డులు మార్చి కమిషన్ను తమ అకౌంట్లోకి మళ్లించుకున్నారు. దాదాపు రూ. 2 కోట్ల వరకు డబ్బులను తమ అకౌంట్లకు మళ్లించినట్లు కాలేజీ ఫౌండర్ డా. వెంకట పురుషోత్తంరెడ్డి గుర్తించి సైబరాబాద్ ఎకనామిక్ అఫెన్సెస్ వింగ్ అధికారులకు ఫిర్యాదు చేశారు. కేసు నమోదు చేసుకున్న అధికారులు ముగ్గురు నిందితులను అరెస్ట్ చేసి రిమాండ్కు తరలించారు. వీరి నుంచి మూడు సెల్ ఫోన్లు స్వాధీనం
చేసుకున్నారు.
