- ప్రజావాణి ఫిర్యాదుకు స్పందన
పద్మారావునగర్, వెలుగు : సికింద్రాబాద్లోనిబోయిగూడ వైజంక్షన్ వద్ద మెట్రో రైలు సౌండ్పొల్యూషన్కు త్వరలో చెక్ పడనుంది. మూల మలుపు వద్ద మెట్రో రైలు చేస్తున్న భారీ శబ్దానికి స్థానిక అపార్ట్మెంట్ వాసులు ఇబ్బందులు పడుతున్నారు. ఈ విషయమై మెట్రో అధికారులకు ఎన్నిసార్లు ఫిర్యాదు చేసినా స్పందించలేదు. దీంతో ఏప్రిల్12న హైదరాబాద్ కలెక్టరేట్లో జరిగిన ప్రజావాణిలో అపార్ట్ మెంట్ వాసులు తమ సమస్యను వివరించారు.
ఎట్టకేలకు స్పందించిన అధికారులు మెట్రో రైలు శబ్ద కాలుష్య నివారణకు తక్షణ చర్యలు తీసుకోవాలని పీసీబీతో పాటు సిటీ సీపీకి ఆదేశాలు ఇచ్చారు. ఈ క్రమంలో అపార్ట్ మెంట్ వాసుల స్టేట్ మెంట్ను బుధవారం రికార్డు చేశారు. మెట్రో పట్టాల లైన్కు ఇరువైపుల నాయిస్ బారియర్స్ఏర్పాటు చేయాలని అపార్ట్ మెంట్ ప్రెసిడెంట్హనుమండ్లు అధికారులను కోరారు. ఇదే విషయాన్ని పేర్కొంటూ ఎల్అండ్టీ మెట్రోకు పోలీస్అధికారులు లేఖ రాశారు.
