సోషల్ మీడియా ద్వారా చీమ్స్ పేరుతో ఫేమస్ అండ్ వైరల్ అయిన బాల్ట్జ్ డాగ్ ఇక లేదు. కొంత కాలంగా క్యాన్సర్ తో పోరాడుతున్న ఈ డాగ్.. థొరాసెంటిసిస్‌కు ఆపరేషన్ చేసిన కొద్ది సేపటికే మరణించింది. ప్రస్తుతం దాని వయసు 11 సంవత్సరాలు కాగా.. రీసెంట్ గా దాని యజమాని ఈ వార్తను షేర్ చేయడంతో నెటిజన్లు విషాదం వ్యక్తం చేస్తూ సోషల్ మీడియాలో పోస్టులు పెడుతున్నారు. బాల్ట్జ్ తన ఫొటోలు, మీమ్స్ తో ఎప్పటికీ బతికే ఉంటుందని తమకు తాము ఓదార్పునిచ్చుకుంటూ కామెంట్లు పెడుతున్నారు.
గతంలో ఎలాన్ మస్క్ కూడా ఈ బాల్ట్జ్ డాగ్ ఫొటోను ఉపయోగించారు. ఈ ఏడాది ఫిబ్రవరి 15వ తేదీన ట్విట్టర్ చీఫ్ ఎగ్జిక్యూటివ్ ఆఫీసర్ కుర్చీలో దీన్ని కూర్చోబెట్టారు. కొత్త సీఈఓ వచ్చాడంటూ అప్పట్లో ప్రచారం చేశారు. అంతే కాదు డోజ్ కాయిన్ కూడా ఈ డాగ్ ఫొటోనే వినియోగిస్తోన్నారంటేనే అర్థం చేసుకోవచ్చు దీనికి ఉన్న విలువ ఏ పాటిదో. 2013 నుంచీ డోజ్ కాయిన్ ఇదే లోగోను కొనసాగిస్తోంది. బాల్ట్జ్ డాగ్ బ్రీడ్.. షిబా ఇను. హంటింగ్ బ్రీడ్. జపాన్‌కు చెందిన హంటింగ్ బ్రీడ్ జాగిలం ఇది.
