ముషీరాబాద్, వెలుగు: సికింద్రాబాద్ డీసీసీ అధికార ప్రతినిధిగా చెల్లిమల లక్ష్మీకాంతం నియమితులయ్యారు. రాజ్యసభ సభ్యుడు అనిల్ కుమార్ యాదవ్ శుక్రవారం తన ఆఫీసులో లక్ష్మీకాంతంకు నియామక పత్రం అందజేశారు. ఈ సందర్భంగా లక్ష్మీకాంతం మాట్లాడుతూ.. కొత్త పార్టీలు ఎన్ని వచ్చినా కాంగ్రెస్ పార్టీకి ప్రజల్లో ప్రత్యేకమైన గుర్తింపు, స్థానం ఉందన్నారు. కాంగ్రెస్ వల్లే తెలంగాణ ఏర్పాటు సాధ్యమైందన్నారు.
బూత్స్థాయి నుంచి జాతీయ స్థాయి వరకు అండగా నిలవాలని కోరారు. తన నియామకానికి కృషి చేసిన అంజన్ కుమార్ యాదవ్, యూత్ కాంగ్రెస్ ప్రధాన కార్యదర్శి అరవింద్ కుమార్ కు కృతజ్ఞతలు తెలిపారు.
