- వరల్డ్‌ ర్యాంకింగ్స్‌‌లో రెండో స్థానం
చెన్నై: తెలంగాణ గ్రాండ్‌ మాస్టర్‌ అర్జున్‌ ఎరిగైసి.. చెన్నై గ్రాండ్‌ మాస్టర్స్‌ టోర్నీలో మరో విజయాన్ని ఖాతాలో వేసుకున్నాడు. గురువారం జరిగిన మాస్టర్స్‌ మూడో రౌండ్‌‌లో అర్జున్‌ 37 ఎత్తుల వద్ద అలెక్సీ సరానా (రష్యా)పై గెలిచాడు. దీంతో వరల్డ్‌ ర్యాంకింగ్స్‌‌లో రెండో ర్యాంక్‌‌కు ఎగబాకాడు.
నల్ల పావులతో ఆడిన తెలంగాణ ప్లేయర్‌ ఈస్ట్‌ ఇండియన్‌ డిఫెన్స్‌‌తో ముందుకెళ్లాడు. అయితే సరానా క్వీన్స్‌ పాన్‌ ఓపెనింగ్‌‌తో అడ్డుకునే ప్రయత్నం చేసినా సక్సెస్‌ కాలేదు. తాజా గెలుపుతో అర్జున్‌ మళ్లీ 2800 ఎలో రేటింగ్‌‌ను సంపాదించాడు. అలాగే రెండున్నర పాయింట్లతో కలిపి అమీన్‌ తబాటబాయితో కలిసి సంయుక్తంగా ఆధిక్యంలో కొనసాగుతున్నాడు. మూడో రౌండ్‌‌లో అమీన్‌.. వాచిర్‌ లాగ్రెవ్‌‌పై 37 ఎత్తుల వద్ద నెగ్గాడు. ఇక చాలెంజర్స్‌ కేటగిరీలో తెలుగు గ్రాండ్‌ మాస్టర్‌ ద్రోణవల్లి హారిక.. అభిమన్యు పురాణిక్‌‌ల మధ్య జరిగిన గేమ్‌ 51 ఎత్తుల వద్ద డ్రాగా ముగిసింది.
