చెన్నై మెట్రో రికార్డు సృష్టించబోతోంది. త్వరలో డ్రైవర్ లెస్ ట్రైన్లు చెన్నై మెట్రోలో పట్టాలెక్కనున్నాయి. ఇందులో భాగంగా 36 డ్రైవర్ లెస్ ట్రైన్లు చెన్నైకి చేరనున్నాయి. ఫ్రెంచ్ రైళ్ల తయారీ దారు సంస్థ అల్స్టన్ ఈ ట్రైన్లు తయారు చేస్తుంది. ఈ రైళ్లను మెట్రోపోలిస్ అని పిలుస్తారు. ఈ ట్రైన్లు రెండేసి బోగీలను కలిగి ఉంటాయి. చెన్నైలోని పూనమెల్లి బైపాస్ నుంచి లైట్ హౌజ్ వరకు మొత్తం 26 కిలోమీటర్లు క్యారిడార్ లో ఈ రైళ్లను నడుపనున్నాయి.
ఈ ట్రైన్లు ఆటోమేటిక్ ట్రైన్ ఆపరేషన్ సిస్టమ్ తో నడుస్తాయని తయారీ సంస్థ ఆల్ స్టన్ ప్రతినిధులు చెబుతున్నారు. ఇది పూర్తి డ్రైవర్ లేకుండా నడిచే రైలు.. అందుకు అనుగుణంగా టెక్నాలజీని వినియోగించినట్లు తెలిపారు.
డ్రైవర్ లేకుండా ఎలా నడుస్తుందంటే...
ఈ రైల్లు కచ్చితంగా డ్రైవర్ లేకుండా నడిచే రైళ్లు.. అయితే పూర్తి మానవ ప్రమేయం లేకుండా నడిచేవి కావు. వీటిని కంట్రోల్ సెంటర్ నుంచి అపరేట్ చేస్తారు. ఇది కంట్రోల్ సెంటర్ లోని ఆపరేటర్ల పర్యవేక్షణలో నడుస్తుంది. ప్రయాణికులతో ఆపరేటర్ మాట్లడటానికి , ఆదేశాలు జారీ చేయడానికి మెట్రో ఇంటర్ కామ్ సిస్టమ్ లను వినియోగిస్తారు.
