హైదరాబాద్,వెలుగు : గ్రేవ్ యార్డ్, శానిటేషన్ నిర్వహణ పై బల్దియా చర్యలు బాగున్నాయని గ్రేటర్ చెన్నై మున్సిపల్ కార్పొరేషన్ కమిషనర్ జె. కుమార గురుబారన్ ప్రశంసించారు. బల్దియాలో చేపట్టిన శానిటేషన్ నిర్వహణ, మోడర్న్ గ్రేవ్ యార్డ్ నిర్మాణాలపై స్టడీ చేసేందుకు బుధవారం హైదరాబాద్ లో ఆయన పర్యటించారు. సంజీవయ్య పార్కులో చేపట్టిన ట్రాన్స్ ఫర్ స్టేషన్ , ఇందిరా పార్కు, జూబ్లీ హిల్స్ లోని మహా ప్రస్థానం నిర్వహణపై సంబంధిత అధికారులు ఆయనకు వివరించారు.
మహాప్రస్థానం నిర్వహణ బాగుందని నిర్వాహకులను చెన్నై రావాలని కోరారు. ఇందిరా పార్క్ గ్రీనరీ నిర్వహణ కూడా బాగుందని, ఇందిరా పార్క్ నిర్వహణ గురించి యూబీడీ డైరెక్టర్ శ్రీనివాస్ వివరించారు. ఆయన వెంట సాలిడ్ వెస్ట్ ఏఈ అఫ్జల్, ఏఎంహెచ్ ఓ భార్గవ్ నారాయణ, లైజన్ ఆఫీసర్, వెటర్నరీ డిప్యూటీ డైరెక్టర్ జేడీ విల్సన్ ఉన్నారు.
