గోదావరిఖని, వెలుగు : పేదలకు సేవ చేయడమే ప్రతి ఒక్కరి లక్ష్యం కావాలని చెన్నూర్ ఎమ్మెల్యే వివేక్ వెంకటస్వామి అన్నారు. శుక్రవారం రాత్రి గోదావరిఖనిలో రామగుండం లయన్స్ క్లబ్ 53వ నూతన కమిటి ప్రమాణ స్వీకార కార్యక్రమానికి ఆయన విశిష్ట అతిథిగా వచ్చారు. ఈ సందర్భంగా ఆయన మాట్లాడారు. రామగుండం లయన్స్ 53 సంవత్సరాల క్రితం ఏర్పడి అనేక సామాజిక సేవా కార్యక్రమాలను నిర్వహించడం గొప్ప విషయమన్నారు.
రామగుండం లయన్స్ క్లబ్ కు తన తల్లిదండ్రుల పేరుతో ఏర్పాటు చేసిన వెంకట కళావతి ట్రస్ట్ ద్వారా రూ.10 లక్షలు అందజేశానని, ఆ నిధులతో కృత్రిమ అవయవాల కేంద్రాన్ని ఏర్పాటు చేసి సర్వీస్ చేస్తుండడం సంతోషంగా ఉందన్నారు. ఎవరైనా తమ సంపాదనలో కనీసంగా రెండు శాతం డబ్బునైనా పేదలకు ఖర్చు చేసేలా ప్లాన్ చేసుకోవాలని సూచించారు.
అనంతరం లయన్స్ క్లబ్ అధ్యక్షుడిగా ఎన్నికైన పి.మల్లికార్జున్, కార్యదర్శి ఎల్లప్ప, కోశాధికారి పాకాల గోవర్ధన్ రెడ్డి తో లయన్స్ క్లబ్ ఇన్టలేషన్ ఆఫీసర్ సింహరాజు కోదండరామ్ ప్రమాణ స్వీకారం చేయించారు. ఈ కార్యక్రమంలో మేయర్ అనిల్ కుమార్, లయన్స్ క్లబ్ ప్రతినిధులు డాక్టర్ విజయ, బంక రామస్వామి, గుండా వీరేశం, తానిపర్తి విజయలక్ష్మి, ప్రమోద్ కుమార్ రెడ్డి, మీనేశ్ నారాయణ్ ఠాండన్, గంగాధర్, తిలక్ చక్రవర్తి, తదితరులు పాల్గొన్నారు.
పెద్దెల్లి మధునమ్మకు నివాళి
టీపీసీసీ సెక్రెటరీ పెద్దెల్లి ప్రకాశ్ తల్లి మధునమ్మ ఇటీవల అనారోగ్యంతో మృతి చెందగా, గోదావరిఖనిలో శుక్రవారం జరిగిన ఆమె దశదిన కార్యక్రమంలో చెన్నూర్ ఎమ్మెల్యే వివేక్ వెంకటస్వామి పాల్గొని నివాళులర్పించారు. పెద్దెల్లి ప్రకాశ్తో పాటు 11వ డివిజన్ కార్పొరేటర్ పెద్దెల్లి తేజస్విని, ఇతర కుటుంబ సభ్యులను ఆయన పరామర్శించారు. అలాగే మానకొండూరు ఎమ్మెల్యే కవ్వంపెల్లి సత్యనారాయణ, మాజీ మంత్రి డొక్కా మాణిక్య వరప్రసాద్, మంత్రి శ్రీధర్బాబు సోదరుడు శ్రీనుబాబు, ఎమ్మెల్యే రాజ్ఠాకూర్ సతీమణి మనాలి ఠాకూర్, కార్పొరేటర్లు పాల్గొన్నారు.
