అహింసా మార్గంలో భారత దేశానికి స్వాతంత్ర్యం సాధించి పెట్టిన మహనీయులు గాంధిజీ అని, ప్రతి ఒక్కరూ గాంధీ మహాత్మున్ని ఆదర్శంగా తీసుకోవాలని పిలుపునిచ్చారు చెన్నూర్ ఎమ్మెల్యే వివేక్ వెంకటస్వామి. మంచిర్యాల జిల్లా మందమర్రి మండలం రామకృష్ణాపూర్ లో నిర్వహించిన మహాత్మా గాంధీ వర్ధంతి వేడుకల్లో ఎమ్మెల్యే వివేక్ పాల్గొన్నారు. గాంధీజీ విగ్రహానికి పూలమాల వేసి నివాళులు అర్పించారు. ఈ సందర్భంగా మందమర్రి, మంచిర్యాల లో వివిధ పత్రికల నూతన సంవత్సర క్యాలెండర్ల ను ఆవిష్కరించారు.
గాంధీజీ చూపిన బాటలో నడస్తూ అయన ఆశయాలను నేటితరం కొనసాగించాలని ఈ సందర్భంగా పిలుపునిచ్చారు. దేశం కోసం తన జీవితాన్నే త్యాగం చేసిన ఆణిముత్యం గాంధీ అని అన్నారు. సత్యం, అహింసా సిద్ధాంతాల ద్వారా ప్రపంచానికి శాంతి సందేశాన్ని అందించిన మహనీయుడని కొనియాడారు. గాంధీజీ కలలు కన్న గ్రామస్వరాజ్యం సాధించడానికి ప్రతి ఒక్కరూ ముందుకు రావాలని పిలుపునిచ్చారు. జాతి వివక్షతకు వ్యతిరేకంగా పోరాడిన గొప్ప యోధుడు మహాత్మా గాంధీ అని కొనియాడారు.
