కోల్బెల్ట్, వెలుగు: మందమర్రి మండల ఇసుక ట్రాక్టర్లకు ఆన్లైన్లో పర్మిషన్ ఇప్పించిన చెన్నూరు ఎమ్మెల్యే వివేక్ వెంకటస్వామి ఫ్లెక్సికీ క్షీరాభిషేకం నిర్వహించారు. సోమవారం క్యాతనపల్లి మున్సిపాలిటీ సరిహద్దు శ్రీనివాస్ గార్డెన్స్ వద్ద ఏర్పాటు చేసిన కార్యక్రమంలో మందమర్రి మండల ట్రాక్టర్అసోసియేషన్ ప్రెసిడెంట్, మున్సిపల్ కౌన్సిలర్ పోలం సత్యనారాయణ ఆధ్వర్యంలో ట్రాక్టర్ యాజమానులు, డ్రైవర్లు ఎమ్మెల్యే ఫోటోకు క్షీరాభిషేకం చేశారు. కొన్ని నెలలుగా ఆన్లైన్ ద్వారా మందమర్రి మండల పరిధికి ఇసుక రవాణా నిలిపివేశారన్నారు.
దీంతో నిర్మాణ రంగం, భవన నిర్మాణ కార్మికులు, ట్రాక్టర్ యాజమానులు, డ్రైవర్లు ఆర్థిక ఇబ్బందులు ఎదుర్కొన్నట్లు చెప్పారు. తమ సమస్యను చెన్నూరు ఎమ్మెల్యే వివేక్ వెంకటస్వామి దృష్టికి తీసుకువెళ్లామన్నారు. వెంటనే స్పందించిన ఎమ్మెల్యే సంబంధిత మంత్రులు, ఆఫీసర్లతో మాట్లాడి ఆన్లైన్లో ఇసుక రవాణాకు పర్మిషన్ ఇప్పించారన్నారు. అసోసియేషన్ ఉపాధ్యక్షులు చిప్పరి శ్రీనివాస్, తిమ్మాపూర్, బొక్కలగుట్ట, మందమర్రి ఇన్ఛార్జ్లు సంతోష్, తన్నీరు సందీప్, శివకుమార్, యజమానులు, డ్రైవర్లు పాల్గొన్నారు.
