కంటోన్మెంట్ నియోజకవర్గంలో ఎస్సీ వర్గీకరణ వ్యతిరేక పోరాట సమితి ఆధ్వర్యంలో ఎస్సీ ల రిజర్వేషన్ కు సంబంధించి సుప్రీంకోర్టు తీర్పు పై అవగాహన కార్యక్రమం జరిగింది. ఈ కార్యక్రమానికి ముఖ్య అతిథిగా చెన్నూరు ఎమ్మెల్యే వివేక్ వెంకటస్వామి అంబేడ్కర్ విగ్రహానికి పూలమాల వేసి నిరసన తెలిపిన నేతలకు సంఘాభావం తెలిపారు. ఈ కార్యక్రమంలో ఆయన మాట్లాడుతూ.. సుప్రీంకోర్టు తీర్పుతో మాల కమ్యూనిటీ ప్రజల్లో ఐకమత్యం వచ్చిందనంటూ.. నాగర్ కర్నూలు సభలో చాలామంది పాల్గొన్నారని ఎమ్మెల్యే వివేక్ వెంకటస్వామి అన్నారు. హైదరాబాద్ లో సభ పెట్టేందుకు కమిటి వేశామన్నారు.
డిసెంబర్ 1 న హైదరాబాద్ లో మాలల మహాసభ ఉంటుందని... మన జాతి.. మన హక్కులను మనమే కాపాడుకోవాలని చెన్నూరు ఎమ్మెల్యే వివేక్ వెంకటస్వామి అన్నారు. ఇంట్లో కూర్చుంటే ఏమీ రాదు.. బస్తీ బస్తీకి తిరిగి.. ఎస్సీ వర్గీకరణ గురించి వివరించాలన్నారు. గతంలో మానాన్నగారు మీ వెంట ఉన్నారని.. ఇప్పుడు నేను ఉంటానన్నారు. మా నాన్న గారు చాలా సేవలు చేశారని. . మాది ప్రజలకు సేవ చేసే కుంటుంబం అని అన్నారు. జాగో మాల ద్వారా అందరిని చైతన్యపరచాలని.. మనమంతా కలిసి అన్ని రాజకీయ పార్టీలకు స్ట్రాంగ్ వార్నింగ్ ఇవ్వాలన్నారు. నాయకుల చేతిలో ఏమీ ఉండదని.. ప్రజల ఒత్తిడిమీదనే ఆధారపడి ఉంటుందని ... అందరూ బయటకు రావాలని సూచించారు.
ALSO READ : నర్సింగ్ కాలేజీల్లో అడ్మిషన్లను పూర్తి చేయండి
ఎస్సీ వర్గీకరణ వ్యతిరేక పోరాట సమితి కన్వీనర్ చెన్నయ్య మాట్లాడుతూ... మాలలందరూ ఐక్యంగా పోరాడాలంటూ.. చెన్నూరు ఎమ్మెల్యే వివేక్ వెంకటస్వామి మన వెంట ఉంటారన్నారు, ఖబడ్డార్ మందకృష్ణ అంటూ.. మాలల సంక్షమం కోసం పోరాటం చేస్తామని చెన్నయ్య అన్నారు. మాలల హక్కులను కాపాడేందుకు కేంధ్రప్రభుత్వంపై పోరాటం చేస్తామన్నారు.
