సింగరేణి కార్మికులకు బోసన్ చెక్కుల పంపిణీ కార్యక్రమం ప్రజాభవన్ లో జరిగింది. ఈకార్య క్రమంలో ఉపముఖ్యమంత్రి భట్టి విక్రమార్క, మంత్రులు పొంగులేటి, శ్రీధర్ బాబుతో పాటు చెన్నూరు ఎమ్మెల్యే వివేక్ వెంకటస్వామి, కొత్తగూడెం ఎమ్మెల్యే కూనంనేని పాల్గొన్నారు.ఈ సభలో చెన్నూరు ఎమ్మెల్యే వివేక్ వెంకట స్వామి మాట్లాడుతూ.. ప్రభుత్వానికి కృతఙ్ఞతలు తెలిపారు. కాంగ్రెస్ ప్రభుత్వం సింగరేణి కార్మికుల పట్ల మంచి నిర్ణయం తీసుకుందని ఎమ్మెల్యే వివేక్ వెంకటస్వామి అన్నారు. కాంట్రాక్ట్ కార్మికుల జీతాలను పెంచే విషయాన్ని పరిశీలించాలని కోరారు. సింగరేణి ఉద్యోగులకు పెన్షన్ను పెంచే విధంగా చర్యలు తీసుకోవాలని కోరారు. అలాగేరిటైర్ట్ ఉద్యోగులకు మెడికల్ సౌకర్యం కల్పించాలని ప్రభుత్వాన్ని కోరారు,
Also Read :- మావోయిస్టు ప్రభావిత రాష్ట్రాలతో అమిత్ షా భేటీ..
సింగరేణి కాంట్రాక్ట్ కార్మికులకు రూ. 5 వేలు బోనస్ను తెలంగాణ ప్రభుత్వం ప్రకటించింది. 2023–24 సంవత్సరంలో రూ. 2,412 కోట్లు లాభాలు వచ్చాయి. ఈ లాభాల్లో లాభాల్లో 33 శాతం అనగా 796 కోట్లను కార్మికులకు బోనస్ గా ప్రకటించింది. ఒక్కో కార్మి కుడికి లక్షా 90 వేలు బోనస్ వచ్చింది. గత ఏడాదితో పోలిస్తే అదనంగా రూ. 20 వేల బోనస్ అందుకున్నారు. గతంలో ఎన్నడూ లేని విధంగా సింగరేణి ఉద్యోగులకు బోనస్ ప్రకటించడంపై చెన్నూరు ఎమ్మెల్యే వివేక్ వెంకటస్వామి కృతఙ్ఞతలు తెలిపారు.
