* పదేండ్లు అభివృద్ధికి నోచుకోలేదు
* త్వరలో ఇంటింటికి తాగునీరు
* రూ. 125 కోట్లతో సోమనపల్లిలో ఇంటిగ్రెటేడ్స్కూల్ కడుతం
* మందమర్రిలో ఎంపీ వంశీకృష్ణతో కలిసి రూ. 2.80 కోట్ల అభివృద్ధి పనులకు శంకుస్థాపన
* చెన్నూరు ఎమ్మెల్యే వివేక్ వెంకటస్వామి
కోల్ బెల్ట్: చెన్నూరు నియోజకవర్గంలో రూ. 500 కోట్లతో అభివృద్ధి పనులు ప్రారంభించిన్నట్లుగా, రానున్న రోజుల్లో చెన్నూరును మోడల్ నియోజకవర్గంగా తీర్చిదిద్దుతామని ఎమ్మెల్యే వివేక్వెంకటస్వామి అన్నారు. ఇవాళ మందమర్రి మున్సిపాలిటీ పరిధిలోని 24 వార్డుల్లో 2 కోట్ల 80 లక్షల సీఎస్ఆర్ నిధులతో పలు అభివృద్ధి పనులకు పెద్దపల్లి ఎంపీ గడ్డం వంశీకృష్ణతో కలిసి ఆయన శంకుస్థాపన చేశారు.
ఈ సందర్భంగా ఆయన మాట్లాడుతూ.. పదేండ్లుగా చెన్నూరు నియోజకవర్గం అభివృద్ధికి నోచుకోలేదన్నారు. ఎన్నికల ప్రచారంలో భాగంగా మందమర్రికి వచ్చిన్నప్పుడు రోడ్లు, డ్రైనేజీ, తాగునీరు సమస్యలతో అవస్థలు పడుతున్నామని ప్రజలు తన దృష్టికి తీసుకువచ్చారని తెలిపారు.
ALSO READ | మందమర్రిలో రూ.2.80 కోట్లతో అభివృద్ధి పనులు: ఎమ్మెల్యే వివేక్ వెంకటస్వామి
‘ నేను ఎమ్మెల్యేగా గెలుపొందున వెంటనే ఒక్కొక్కటిగా సమస్యలను పరిష్కరిస్తున్న. ఇంటింటికీ తాగునీరు అందించాలని అమృత్స్కీం రూ. 30 కోట్లతో అందుబాటులోకి తీసుకువస్తున్నం. గతంలో మందమర్రి, బెల్లంపల్లి మున్సిపాలిటీలకు గోదావరి తాగునీరును అందించేందుకు రూ. 24 కోట్లతో కాకా వెంకటస్వామి పర్మినెంట్ స్కీం తీసుకువచ్చారు. విశాఖ ట్రస్టు ద్వారా ట్యాంకర్లు పెట్టి మందమర్రి వాటర్సప్లై చేశాం. కాంగ్రెస్ ప్రభుత్వం ఆరు గ్యారంటీలను అమలు చేస్తుంది. నియోజకవర్గంలోని సమస్యలను తెలుసుకోవడానికి మార్నింగ్వాక్ చేస్తున్న. సోమనపల్లి రూ. 125 కోట్లతో ఇంటిగ్రెటేడ్ స్కూల్ ఏర్పాటు చేస్తున్నం. ఏడాది లోపే అందుబాటులోకి తీసుకువస్తం. ప్రజలకు ఇచ్చిన హామీలను నెరవేస్తున్నం. ప్రతి వార్డుల్లో సీసీ రోడ్లు నిర్మిస్తాం’ అని వివేక్వెంకటస్వామి అన్నారు. ఊరు మందమర్రిలో రూ. 62లక్షలతో సీసీ రోడ్లు, డ్రైనేజీ నిర్మాణ పనులకు శంకుస్థాపన చేశారు.
విశాఖ ట్రస్టుతో పేదలకు సేవ చేస్తం: పెద్దపల్లి ఎంపీ గడ్డం వంశీకృష్ణ
బీఆర్ఎస్ పాలనలో పెద్దపల్లి పార్లమెంట్అభివృద్ధికి నోచుకోలేదని పెద్దపల్లి ఎంపీ గడ్డం వంశీకృష్ణ అన్నారు. ఇవాళ పెద్దపల్లి జిల్లా ధర్మారం మండలం మల్లాపూర్ సోషల్ వెల్ఫేర్ స్కూల్ లో విద్యార్థుల కోసం 150 బెంచీలను పంపిణీ చేశారు. ఈ సందర్భంగా ఆయన మాట్లాడుతూ.. కాకా వెంకటస్వామి పేదల కోసమే అంబేద్కర్ విద్యాసంస్ధలను స్టార్ట్చేశారని తెలిపారు. కాకా, విశాఖ చారిటబుల్ ట్రస్టులతో పేదలకు సేవ చేస్తామన్నారు. కార్యక్రమంలో విశాఖ ట్రస్టు సభ్యులు సూర్యనారాయణ తదితరులు పాల్గొన్నారు.
