వికారాబాద్, వెలుగు: హైదరాబాద్– బీజాపూర్ నాలుగు లేన్ల రోడ్డు నిర్మాణంలో భాగంగా హిమాయత్సాగర్లోని అప్పా జంక్షన్ నుంచి వికారాబాద్లోని మన్నెగూడ వరకు చేపట్టిన విస్తరణ పనుల్లో వేగం పెంచాలని చేవెళ్ల ఎంపీ గడ్డం రంజిత్ రెడ్డి అధికారులను ఆదేశించారు.
10 రోజుల కిందట ఈ పనులు ప్రారంభం కాగా.. మంగళవారం మొయినాబాద్ పరిధి టోల్ కట్ట, అజీజ్నగర్ ప్రాంతాల్లో ఎంపీ రంజిత్ రెడ్డి పర్యటించి వాటిని పరిశీలించారు. ఎమ్మార్వో అశోక్ కుమార్తో మాట్లాడి వివరాలు తెలుసుకున్నారు. అనంతరం రంజిత్రెడ్డి మాట్లాడుతూ.. రోడ్డు విస్తరణ పనులపై ప్రతిరోజు కలెక్టర్తో కలిసి రివ్యూ చేస్తున్నట్లు తెలిపారు. తొందరగా పనులను పూర్తి చేయాలని సూచించారు.
