భద్రాద్రికొత్తగూడెం, వెలుగు: అడ్వొకేట్స్చట్టాలను నిరంతరం అధ్యయనం చేయాలని జిల్లా ప్రధాన న్యాయమూర్తి వసంత్ పాటిల్ సూచించారు. కొత్తగూడెంలోని ఐఎంఏ హాల్లో సీనియర్అడ్వొకేట్ ఉదయ్ భాస్కర్ అధ్యక్షతన శనివారం జరిగిన ఇండియన్ అసోసియేషన్ఆఫ్ లాయర్స్(ఐఏఎల్) జిల్లా స్థాయి స్టడీ సర్కిల్లో ఆయన మాట్లాడుతూ న్యాయవాదులు చట్టాలతో పాటు తీర్పులను కూడా నిరంతరం అధ్యయనం చేయాలన్నారు.
ఐఏఎల్ రాష్ట్ర అధ్యక్ష, ప్రధాన కార్యదర్శులు పోట్ల మాధవరావు, బొమ్మగాని ప్రభాకర్ మాట్లాడుతూ అప్రజస్వామికంగా వచ్చిన కొత్త చట్టాలను సవరించాల్సి ఉందని చెప్పారు. ప్రజలకు వ్యతిరేకమైన చట్టాలను తీసుకురావడంలో బీజేపీ ముందుందని ఆరోపించారు. ఈ ప్రోగ్రాంలో మూడో అదనపు మెజిస్ట్రేట్ శివ నాయక్, సీనియర్ సివిల్జడ్జి భానుమతి, జూనియర్ సివిల్ జడ్జి రామారావు, రెండో అదనపు మెజిస్ట్రేట్ సాయిక్ష, తెలంగాణ బార్ కౌన్సిల్ మెంబర్ దుస్సా జనార్దన్, సీనియర్ న్యాయవాదులు గంటా విద్యాసాగర్ రెడ్డి, కేవీకే గుప్తా, ఐఏఎల్ జిల్లా అధ్యక్షుడు ఎస్. సత్యనారాయణ, బార్ అసోసియేషన్ అధ్యక్షుడు లక్కినేని సత్యనారాయణ పాల్గొన్నారు.
