- ఓరుగల్లులో నాటుసారా కంట్రోల్‍కు ఈ నెల 31 డెడ్‍లైన్‍
- స్టేట్‍ ఎన్‍ఫోర్స్ మెంట్‍ డైరెక్టర్‍ వీబీ.కమలాసన్‍రెడ్డి
వరంగల్, వెలుగు: సీఎం రేవంత్‍రెడ్డి ఆదేశాలతో రాష్ట్రాన్ని డ్రగ్స్ ఫ్రీగా మారుస్తున్నామని స్టేట్‍ ఎన్‍ఫోర్స్మెంట్‍ డైరెక్టర్‍ వీబీ.కమలాసన్‍రెడ్డి తెలిపారు. మంగళవారం ఆయన ఎక్సైజ్‍ ఎన్‍ఫోర్స్మెంట్‍ జాయింట్‍ కమిషనర్‍ ఖురేషీ, వరంగల్ పోలీస్‍ కమిషనర్‍ అంబర్‍ కిషోర్‍ ఝా, ఎక్సైజ్‍ డిప్యూటీ కమిషనర్‍ అంజన్‍రావు, అసిస్టెంట్‍ కమిషనర్‍ నాగేందర్రావుతో కలిసి హనుమకొండ కలెక్టరేట్‍లో మత్తు పదార్ధాలు, గంజాయి నిర్మూలన, గుడుంబా, ఎక్సైజ్‍ పాలసీ తదితర అంశాలపై రివ్యూ నిర్వహించారు.
ఈ సందర్భంగా ఆయన మాట్లాడుతూ.. ఓరుగల్లులో పల్లెలు, తండాలను పట్టిపీడిస్తున్న నాటుసారాపై ఆగస్ట్ 31 నాటికి లేకుండా ఉక్కుపాదం మోపాలని ఆదేశించారు. ఈ విషయంలో గతంలో చూపిన చొరవ అభినందనీయమని చెబుతూనే మరోసారి సీరియస్‍గా తీసుకోవాలని సూచించారు. ప్రధానంగా నాటుసారాకు ఉపయోగిస్తున్న బెల్లం సరఫరాపై స్పెషల్‍ ఫోకస్‍ పెట్టడంతో పాటు దీన్ని సరఫరా చేసే వారిపై పీడీ యాక్ట్లు పెట్టడం ద్వారా కోర్ట్లో జైలు శిక్షలు పడేలా సరైన రీతిలో ఛార్జీషీట్‍ ఫైల్‍ చేయాలన్నారు. సీపీ అంబర్‍ కిషోర్‍ ఝా మాట్లాడుతూ.. వరంగల్ జిల్లాను నాటుసారాతో పాటు డ్రగ్స్ ఫ్రీ జిల్లాలుగా మార్చేందుకు కలిసి పని చేయనున్నట్లు చెప్పారు.
