- నిందితుడిపై పోక్సో కేసు మంచిర్యాల జిల్లాలో ఘటన
జైపూర్, వెలుగు: ఓ చిన్నారిపై వ్యక్తి లైంగికదాడికి పాల్పడిన ఘటన మంచిర్యాల జిల్లాలో జరిగింది. ఎస్ఐ శ్రీధర్ కథనం ప్రకారం.. జైపూర్ మండలం కుందారం గ్రామానికి చెందిన ఆరేండ్ల బాలిక ఆదివారం సాయంత్రం అదే గ్రామానికి చెందిన మల్లయ్య (50) ఇంటి సమీపంలో ఆడుకుంటుంది. ఆ బాలికను మల్లయ్య తన ఇంట్లోకి తీసుకెళ్లి లైంగిక దాడికి పాల్పడ్డాడు.
కొద్దిసేపటి తర్వాత చిన్నారి ఏడుస్తూ ఇంటికి వెళ్లి తల్లిదండ్రులకు చెప్పడంతో పోలీసులకు ఫిర్యాదు చేశారు. నిందితుడిని అదుపులోకి తీసుకొని పోక్సో కేసు నమోదు చేసి సోమవారం రిమాండ్కు తరలించినట్లు ఎస్ఐ తెలిపారు. టెస్టుల కోసం బాలికను మంచిర్యాల ప్రభుత్వ హాస్పిటల్ కు పంపినట్టు చెప్పారు.
