నవాబుపేట,వెలుగు: రోడ్డు ప్రమాదంలో కాలు విరిగి మంచానికే పరిమితమై ఉన్న మిత్రుడిని చిన్ననాటి దోస్తులు ఆదుకున్నారు. మండలంలోని కారూరు గ్రామానికి చెందిన నర్సింహులు గత వారం మైసమ్మ అలయం సమీపంలో జరిగిన రోడ్డు ప్రమాదంలో ఒక కాలును కోల్పోయాడు.
కుటుంబాన్ని పోషించే వ్యక్తి మంచం పట్టడంతో ఇంట్లో ఆర్థిక ఇబ్బందులు మొదలయ్యాయి. విషయం తెలుసుకున్న ఇప్పటూరు హైస్కూల్1998 పదో తరగతి బ్యాచ్ కు చెందిన 20 మంది దోస్తులు హాస్పిటల్ లో నర్సిములును పరామర్శించి రూ. 53 వేలను కుటుంబసభ్యులకు అందజేసి తమ స్నేహబంధాన్ని చాటిచెప్పారు.
