- రూ.12 లక్షల ఆస్తి నష్టం
పినపాక, వెలుగు: భద్రాద్రికొత్తగూడెం జిల్లా పినపాక మండలం వెంకట్రావుపేటలో గుర్తు తెలియని వ్యక్తులు ఆదివారం అర్ధరాత్రి మిర్చి పంటకు నిప్పంటించారు. బాధిత రైతు పొనగంటి పురుషోత్తం తెలిపిన వివరాల ప్రకారం. పదెకెరాల్లో మిర్చి పంట వేసి రెండవ కోత పూర్తి చేసి మార్కెట్కు తరలించేందుకు 70 క్వింటాళ్ల ఎండు మిర్చిని కల్లంలో నిల్వ చేశాడు.
రూ.12 లక్షల పంట నష్టం జరిగినట్లు పురుషోత్తం వాపోయాడు. సమాచారం తెలుసుకున్న పినపాక ఫైర్ స్టేషన్ సిబ్బంది ఘటనా స్థలానికి చేరుకుని మంటలను అదుపులోకి తెచ్చారు. బాధితుడి ఫిర్యాదు మేరకు ఏడూళ్లబయ్యారం సీఐ వెంకటేశ్వరరావు, ఎస్సై రాజ్కుమార్ స్నిఫర్ డాగ్ను రప్పించి దర్యాప్తు చేపట్టారు. తహసీల్దార్ నరేశ్, ఏవో వెంకటేశ్వర్లు కాలిపోయిన మిర్చిని పరిశీలించారు.
