కామారెడ్డి టౌన్, వెలుగు : జిల్లాలో ఎక్కడైన చైనా మాంజా అమ్మితే కఠిన చర్యలు తీసుకుంటామని ఎస్పీ సింధూశర్మ హెచ్చరించారు. స్పెషల్ పోలీసులు, దేవునిపల్లి పోలీసులు తనిఖీలలో భాగంగా దేవునిపల్లిలోని ఓ కిరాణ షాపులో చైనా మాంజా అమ్ముతున్నట్లు గుర్తించామన్నారు. షాపులో నుంచి 65 బెండల్స్ చైనా మంజా స్వాధీనం చేసుకొని సీజ్ చేసినట్లు ఎస్పీ వివరించారు.
ఎక్కడైనా చైనా మంజా అమ్మినట్లు తెలిస్తే టాస్క్ఫోర్స్ సీఐ సెల్ నంబర్ 8712686112కు సమాచారం అందించాలన్నారు. దేవునిపల్లిలో చైనా మంజా అమ్మిన వ్యక్తిపై కేసు నమోదు చేసినట్లు ఏఎస్పీ చైతన్యరెడ్డి పేర్కొన్నారు.
