హనుమకొండ సిటీ/ కాశీబుగ్గ, వెలుగు: వికాసతరంగిణి ఆధ్వర్యంలో గురువారం హనుమకొండలో చిన్న జీయర్ స్వామి నగర సంకీర్తన, మండలి సమావేశం జరిగింది. హనుమకొండ ఆర్ట్స్ సైన్స్ కాలేజీ గ్రౌండ్ లో గురువారం జరిగిన సంకీర్తన, మండలి సమావేశానికి భక్తులు అధిక సంఖ్యలో హాజరై చిన్న జీయర్ స్వామి సందేశం విన్నారు. అంతకుముందు హనుమకొండ ఏకశిలా పార్కు నుంచి ఆర్ట్స్ కాలేజీ వరకు వికాస తరంగిణి ఆధ్వర్యంలో శోభాయాత్ర నిర్వహించారు.
గ్రేటర్ వరంగల్ మేయర్ గుండు సుధారాణి, వరంగల్ పశ్చిమ నియోజకవర్గ ఎమ్మెల్యే నాయిని రాజేందర్ రెడ్డి సతీమణి నాయిని నీలిమారెడ్డి, మహిళలు అధికసంఖ్యలో పాల్గొన్నారు. కాగా, వరంగల్ ఏనుమాముల మార్కెట్ పరిధిలో గురువారం చిన్నజీయర్ స్వామి లక్ష్మీసాయికోల్డ్ స్టోరేజీని ప్రారంభించారు.
