ఒకే ఫ్రేములో ఇద్దరులేదా ముగ్గురు అభిమాన హీరోల‌ను చూసే వెసులుబాటు మ‌ల్టీస్టార‌ర్ సినిమాల్లో మాత్ర‌మే ఉంటుంది. అలాగే బయట కొన్ని సినిమా ఫంక్షన్లో ఇద్దరు లేదా ముగ్గురు హీరోలు కలిసుండడం చూస్తాం.
ఇక కొంతమంది హీరోలు తమ ఖాళీ సమయాల్లో వంటలు చేస్తూ.. తమ ఫ్యామిలీతో సరదాగా టైమ్ పాస్ చేస్తూ ఉండడం చూస్తున్నాం. ఇపుడు ఇదంతా ఎందుకంటారా?..
తెలుగు సినిమా అభిమానుల అందరికీ న‌చ్చిన హీరోలందరూ ఒకచోట కలిశారు. అలాంటి పండ‌గ లాంటి స‌ర్ ప్రైజ్ని అభిమానుల‌కు అందించారు మన బడా హీరోలు.
మెగాస్టార్ చిరంజీవి, కింగ్ నాగార్జున, సూపర్ స్టార్ మహేష్ బాబు, గ్లోబల్ స్టార్ రామ్ చరణ్, అఖిల్, నమ్రత, ఉపాసన.. ఇలా అందరూ తమ ఫ్యామిలీస్ తో కలిసి ఒకే ఫ్రేమ్లో కనిపించారు. వీరంతా వారి ప్రత్యేకమైన ఆనందకరమైన జ్ఞాపకాలు! పంచుకోవడానికి మాల్దీవుల్లో కలిసినట్లు సమాచారం. ఇలా ఒకే ఫ్రేమ్లో అందరూ సాధారణ దుస్తులు ధరించి కనిపించారు.
అయితే, ఈ టాలీవుడ్ స్టార్స్ ఎందుకు కలిశారో క్లారిటీ లేదు కానీ టైనింగ్‌ టెబుల్‌ దగ్గర కూర్చోన్న పిక్ మాత్రం సోషల్ మీడియాలో తెగ వైరల్ అవుతోంది. తమ ఫ్యాన్స్ ను ఆకట్టుకుంటోంది. నిత్యం షూటింగ్‌లతో బిజీగా ఉండే హీరోలు ఇలా మాల్దీవుల్లో రిలాక్స్ అవుతూ కనిపించడంతో ఎంజాయ్ చేయడంటూ నెటిజన్లు కామెంట్స్ చేస్తున్నారు.
ఇకపోతే.. ప్రస్తుతం విశ్వంభర మూవీలో మెగాస్టార్ చిరంజీవి నటిస్తున్నారు. నాగార్జున తన కొడుకు నాగ చైతన్య పెళ్లి పనుల్లో బిజీగా ఉన్నాడు. చై, నటి శోభితా ధూళిపాళను డిసెంబర్‌లో వివాహం చేసుకోనున్నారు. లోకేష్ కనగరాజ్ దర్శకత్వంలో రజినీకాంత్ హీరోగా వస్తున్న కూలీ సినిమాలో నాగార్జున ఒక గెస్ట్ రోల్ చేస్తున్నాడు. అలాగే శేఖర్ కమ్ముల ధనుష్ హీరోగా వస్తున్న కుబేరలోనూ నటిస్తున్నాడు.
రామ్ చరణ్ విషయానికొస్తే.. RRR తర్వాత అతని నెక్స్ట్ మూవీ గేమ్ ఛేంజర్‌లో కనిపించనున్నాడు. మహేష్ బాబు రాజమౌళి SSMB 29 కోసం రెడీ అవుతున్నాడు.
Special and joyful memories of Tollywood stars in the Maldives!😍🫶#Chiranjeevi #Nagarjuna #MaheshBabu #RamCharan #AkhilAkkineni #TeluguFilmNagar pic.twitter.com/Fz1vTvBHXx
— Telugu FilmNagar (@telugufilmnagar) November 7, 2024
