చిరంజీవి హీరోగా వశిష్ట మల్లిడి రూపొందిస్తున్న చిత్రం ‘విశ్వంభర’. భారీ బడ్జెట్‌‌‌‌తో తెరకెక్కుతున్న ఈ సోషియో ఫాంటసీ మూవీని యూవీ క్రియేషన్స్ సంస్థ నిర్మిస్తోంది. నిజానికి ఈ చిత్రాన్ని సంక్రాంతికి విడుదల చేయనున్నట్టు గతేడాది ప్రకటించారు. కానీ ‘గేమ్ చేంజర్’ రిలీజ్ ఒక కారణం అయితే.. సీజీ వర్క్ కంప్లీట్ కాకపోవడం మరో కారణంగా రిలీజ్ వాయిదా వేశారు మేకర్స్.
తాజాగా ఈ సినిమా రిలీజ్ డేట్‌ గురించి టాలీవుడ్‌‌‌‌లో చర్చ జరుగుతోంది. చిరంజీవి కెరీర్‌‌‌‌‌‌‌‌లోనే ఐకానిక్‌ డేట్‌‌‌‌గా పేరు తెచ్చుకున్న మే 9న ఈ మూవీని విడుదల చేయాలని భావిస్తున్నారట. ఈ డేట్‌‌‌‌కే చిరంజీవి నటించిన క్లాసిక్ హిట్ ‘జగదేక వీరుడు అతిలోక సుందరి’ విడుదలై ఇండస్ట్రీ హిట్‌‌‌‌గా నిలిచింది. ఆ చిత్రం వచ్చి ముప్ఫై ఐదేళ్లు కావొస్తున్న సందర్భంగా అదే సెంటిమెంట్‌‌‌‌తో ఇప్పుడు మే 9న ‘విశ్వంభర’ను ప్రేక్షకుల ముందుకు తీసుకొచ్చేలా మేకర్స్ ప్లాన్ చేస్తున్నారట. త్వరలోనే రిలీజ్ డేట్‌‌‌‌పై క్లారిటీ ఇవ్వనున్నట్టు తెలుస్తోంది.
ఈ చిత్రంలో త్రిష, ఆషికా రంగనాథ్‌ హీరోయిన్స్‌‌‌‌గా నటిస్తున్నారు. ఎంఎం కీరవాణి సంగీతం అందిస్తున్నారు. ఇప్పటికే విడుదలైన ఈ మూవీ ప్రమోషనల్ కంటెంట్‌‌‌‌కు మంచి రెస్పాన్స్ రావడంతో సినిమాపై అంచనాలు ఏర్పడ్డాయి.
