వెలుగు, హైదరాబాద్: కల్చరల్ క్లబ్లు మనిషికి ఒంటరితనాన్ని దూరం చేస్తాయని ప్రముఖ నటుడు చిరంజీవి అన్నారు. శుక్రవారం హైదరాబాద్లోని ఎమ్మెల్యే, ఎంపీ కాలనీలో నూతనంగా ఏర్పాటు చేసిన కల్చరల్ క్లబ్ను మంత్రులు కోమటిరెడ్డి వెంకట్ రెడ్డి, కొండా సురేఖ, ఖైరతాబాద్ ఎమ్మెల్యే దానం నాగేందర్, చిరంజీవి కలసి ప్రారంభించారు. ఈ కార్యక్రమానికి ముఖ్య అతిథిగా హాజరైన చిరంజీవి మాట్లాడుతూ.. కాలనీ కల్చరల్ క్లబ్ల వద్ద 60 ఏళ్ళు దాటిన నలుగురు, ఐదుగురు వ్యక్తులు కలిస్తే కుర్రాల్లా వ్యవహరిస్తున్నారని అన్నారు.
ALSO READ | షూటింగ్లో గాయపడిన హీరో రవితేజ: ఆస్పత్రిలో ఆపరేషన్
లోన్లీగా ఫీలవుతూ ఆత్మహత్య చేసుకోవాలనే ప్రయత్నించే వ్యక్తులకు అలాంటి ఆలోచనలు రాకుండా కల్చరల్ క్లబ్లు దూరం చేస్తాయని అభిప్రాయపడ్డారు. రంగనాథ్ అనే నా స్నేహితుడు ఒంటరితనం తట్టుకోలేక ఆత్మహత్య చేసుకున్నాడని ఈ సందర్భంగా చిరంజీవి గుర్తు చేసుకుని ఎమోషనల్ అయ్యారు. కల్చరల్ క్లబ్లు ఇంకా పెరగాలని ఆకాంక్షించారు చిరు. నూతనంగా ఏర్పాటు చేసిన కల్చరల్ క్లబ్లో స్పెషల్ ఇన్వెటీగా నాకు సభ్యత్వం కల్పిచడం సంతోషంగా ఉందన్నారు.
