చిరంజీవి హీరోగా మల్లిడి వశిష్ట దర్శకత్వంలో తెరకెక్కుతోన్న సోషియో ఫాంటసీ మూవీ ‘విశ్వంభర’. భారీ అంచనాలతో రూపొందుతోన్న ఈ చిత్రాన్ని సంక్రాంతి కానుకగా జనవరి 10న విడుదల చేయనున్నట్టు ఇప్పటికే ప్రకటించారు.
అయితే పండగ రేసు నుంచి ఈ సినిమా తప్పుకోవడం ఖాయమని సోషల్ మీడియాలో ప్రచారం జరుగుతోంది. ఇటీవల చిరంజీవి చికెన్ గున్యాతో బాధపడగా షూటింగ్‌‌‌‌‌‌‌‌కు నెల రోజులు గ్యాప్ ఇవ్వడమే దీనికి కారణమని తెలుస్తోంది.
చిరు పూర్తిగా కోలుకోవడానికి కొంత టైమ్‌ పట్టే చాన్స్ ఉందని, ఈ ప్రభావం సినిమా రిలీజ్‌‌‌‌‌‌‌‌పై పడటంతోనే వాయిదా తప్పదనే న్యూస్ వినిపిస్తోంది. యూవీ క్రియేషన్స్ బ్యానర్‌‌‌‌‌‌‌‌‌‌‌‌‌‌‌‌పై విక్రమ్, వంశీ, ప్రమోద్ భారీ బడ్జెట్‌‌‌‌‌‌‌‌తో ఈ చిత్రాన్ని నిర్మిస్తున్నారు. త్రిష హీరోయిన్‌‌‌‌‌‌‌‌గా నటిస్తుండగా, కీరవాణి సంగీతం అందిస్తున్నారు.
మరోవైపు సంక్రాంతి పోటీలో ‘విశ్వంభర’ లేకపోతే ఈ రేసులో రామ్ చరణ్ ‘గేమ్ చేంజర్’ ఉండేలా నిర్మాత దిల్ రాజు ప్లాన్ చేస్తున్నారట. ఇప్పటికే పొంగల్ పోటీలో బాలకృష్ణ, వెంకటేష్, రవితేజతో సహా మరో మూడు సినిమాలు ఉన్నాయి. మరి వీటిలో ఏ చిత్రం సంక్రాంతికి సందడి చేయనుందో చూడాలి!
