జూన్ 12వ తేదీ బుధవారం రోజున ఏపీ సీఎంగా చంద్రబాబు నాయుడు ప్రమాణస్వీకారం చేయనున్నారు. ఈ ప్రమాణస్వీకారోత్సవ కార్యక్రమానికి మెగాస్టార్ చిరంజీవి చీఫ్ గెస్టుగా హాజరుకానున్నారు. ఆంధ్రప్రదేశ్‌ రాష్ట్ర విశిష్ట అతిథిగా హాజరుకావాలని కోరుతూ చిరంజీవికి ప్రత్యేక ఆహ్వానం అందింది. ఈ క్రమంలో చిరంజీవి బేగంపేట విమానాశ్రయం నుంచి విజయవాడకు బయల్దేరారు.
చిరంజీవి వెంట భార్య సురేఖ, కుమార్తె శ్రీజ, ఇద్దరు మనవరాళ్లు ఉన్నారు. ఈ కార్యక్రమానికి రామ్‌ చరణ్‌ కూడా హాజరుకానున్నారు. బుధవారం ఉదయం 11 గంటల 27 నిమిషాలకు గన్నవరం ఎయిర్ పోర్ట్ సమీపంలోని కేసరపల్లి ఐటీ పార్క్ వద్ద చంద్రబాబు నాలుగోసారి ముఖ్యమంత్రిగా ప్రమాణ స్వీకారం చేయనున్నారు. చంద్రబాబుతో పాటుగా డిప్యూటీ సీఎంగా జనసేన అధినేత పవన్ కళ్యాణ్ కూడా ప్రమాణం చేస్తారని వార్తలు వస్తున్నాయి.
