బస్సులో గన్ మిస్ ఫైర్ కావడంతో సీఐఎస్ఎఫ్ జవాన్ మృతి చెందాడు. ఈ ఘటన సంగారెడ్డిలో జరిగింది. సంగారెడ్డి జిల్లా పటాన్ చెరు మండలం బానూర్ గ్రామం బిడిఎల్ పరిశ్రమలో వెంకటేశ్వర్లు (32) సిఐఎస్ఎఫ్ జవాన్ గా పనిచేస్తున్నాడు.
జూలై 20న మధ్యాహ్నం డ్యూటీలో భాగంగా ఆయన బస్సు దిగుతుండగా ప్రమాదవశాత్తు చేతిలోని తుపాకీ పేలడంతో బుల్లెట్ తలలోకి దూసుకెళ్లింది. దీంతో అక్కడిక్కడే మృతి చెందాడు. మృతిని భార్య లక్ష్మీదేవి ఫిర్యాదుతో ఘటన స్థలానికి చేరుకొని కేసు నమోదు చేసి దర్యాప్తు చేస్తున్నారు బీడీఎల్ భానూర్ పోలీసులు. జవాన్ మృతదేహాన్ని పోస్టుమార్టం కోసం ఆస్పత్రికి తరలించారు.
